Dog Attack News : भटक्या कुत्र्यांची दहशत हा चिंतेचा विषय आहे. भटक्या कुत्र्यांच्या हल्ल्यात अनेकजण जखमी झाल्याच्या घटना समोर आल्या आहेत. काही दिवसांपूर्वी भटक्या कुत्र्यांच्या हल्ल्यात एका चिमुकल्याला जीव गमवावा लागला होता. आता भटक्या कुत्र्यांच्या हल्ल्याची आणखी एक घटना समोर आली आहे. मुलाला शाळेत सोडण्यासाठी स्कूटरवरुन जात असलेल्या महिलेवर भटक्या कुत्र्यांनी हल्ला (Dog Attack) केला आहे.

ओडिशाच्या बेरहामपूर शहरातील ही घटना आहे. भटक्या कुत्र्यांच्या हल्ल्याची ही घटना सीसीटीव्ही कॅमेऱ्यात कैद झाली आहे. एक महिला आपल्या मुलाला शाळेत सोडायला निघाली होती. स्कुटीवर पुढे लहानगा उभा होता तर मागे आणखी एक महिला बसली होती. दरम्यान त्यांच्या स्कुटरचा काही भटक्या कुत्र्यांनी पाठलाग करण्यास सुरुवात केली.

चार-पाच कुत्रे एकाच वेळी पाठलाग करत असल्याने भीतीने महिलेने आपल्या स्कुटीचा स्पीड वाढवला. मात्र महिलेचं स्कुटीवरील नियंत्रण सुटल्याने रस्त्याच्या कडेला उभ्या असलेल्या कारला धडकली. धडकेमुळे मुलासह दोन्ही महिला रस्त्यावर पडल्या. गाडी चालवणारी महिला गाडीच्या धडकेनंतर उडून रस्त्यावर पडली. सुदैवाने अपघातानंतर कुत्रे पळून गेले. सीसीटीव्ही कॅमेऱ्यात या संपूर्ण घटनेचा थरार कैद झाला आहे. (Latest Marathi News)

मिळालेल्या माहितीनुसार, महिला आणि लहान मुलाला गंभीर दुखापत झाली आहे. घटना घडली त्यावेळी रस्त्यावर कुणीही दिसत नाही किंवा गाड्यांचीही वर्दळ दिसत नाही.

कुत्र्यांच्या हल्ल्यात मृ्त्यूच्या घटना

काही दिवसांपूर्वी हैदराबादमध्ये चार वर्षांच्या चिमुकल्यावर भटक्या कुत्र्यांनी हल्ल्या केला होता. या हल्ल्यात लहानग्याचा दुर्देवी मृत्यू झाला होता. मुलगा खेळत असताना कुत्रांनी हल्ला चढवला होता.

तर लखनौमध्ये एका पिटबुल कुत्र्याने वृद्ध महिलेवर हल्ला केला. यामध्ये त्या महिलेचा मृत्यू झाला होता. गाझियाबादमधूनही अशीच एक घटना समोर आली आहे, जिथे पिटबुल कुत्र्याने एका लहान मुलावर हल्ला केला होता.