चंडीगडमध्ये सरकारी कॉलेजमध्ये 24 वर्षाच्या डॉक्टरने आत्महत्या केल्याची खळबळजनक घटना घडली आहे. मिळालेल्या माहितीनुसार, डॉक्टर योगेश यांनी हॉस्पिटलमध्ये स्वतःलाच इंजेक्शन टोचून घेतले. ज्यामुळे त्यांचा मृत्यू झाला आहे. या घटनेमुळे हॉस्पिटलमध्ये खळबळ उडाली असून पोलीस आणि वरिष्ठ अधिकारी घटनास्थळी पोहोचले आहे.

मिळालेल्या महितीनुसार, डॉक्टर योगेश हे जनरल मेडिसीन विभागत पीजी ज्युनियर रेसिडेंट म्हणून कार्यरत होते. त्यांनी रुग्णालयाच्या ट्रामा सेंटरमधील बाथरूममध्ये जाऊन स्वतःला इंजेक्शन लावले आणि थोड्याच वेळात त्यांची प्रकृती खालावली आणि त्यांचा मृत्यू झाला. प्राथमिक माहितीनुसार, डॉक्टरने चार इंजेक्शन स्वतःच लावून घेतले होते. मात्र पोस्टमार्टम रिपोर्ट रिपोर्ट अद्याप आलेला नाहीये.

घटनेची माहिती मिळताच रुग्णालय प्रशासन, वरिष्ठ पोलीस अधिकारी आणि फॉरेन्सिक घटनास्थळी दाखल झाले असून पोलिसांनी मृतदेह पोस्टमार्टमसाठी पाठवला आहे.