ED Raid On aap MLA  Saam Tv
देश विदेश

ED Raid : 'आप'चा आणखी एक बडा नेता ईडीच्या जाळ्यात; काय आहे घोटाळा?

ED Raid On aap MLA Amantullah Khan : ईडीने आज आम आदमी पक्षाचे आमदार अमानतुल्ला खान यांच्या घरावर छापा टाकलाय. त्यांना अटक केल्याची माहिती समोर येत आहे.

Rohini Gudaghe

मुंबई : दिल्ली वक्फ बोर्ड घोटाळा प्रकरणी ईडीच्या पथकाने मोठी कारवाई केलीय. ईडीने आज २ सप्टेंबर रोजी आम आदमी पक्षाचे आमदार अमानतुल्ला खान यांच्या घरावर छापा टाकून त्यांना अटक केलीय. दिल्ली पोलीस आणि निमलष्करी दलाच्या उपस्थितीमध्ये ही कारवाई करण्यात आलीय. अमानतुल्ला खान यांना ईडीच्या मुख्यालयात नेण्यात आल्याची माहिती मिळतेय.

आप आमदाराच्या घरावर ईडीची छापेमारी

ईडीचे पथक आज सकाळी आम आदमी पार्टीचे आमदार अमानतुल्ला खान यांच्या घरी छापा टाकण्यासाठी पोहोचले होते. अमानतुल्ला यांनी सुरुवातीला ईडीच्या टीमला घरात जाऊ दिलं नाही. त्यामुळे मोठा हायव्होल्टेज ड्रामा झाला (Delhi News) होता. सकाळी आठ वाजता ईडीने त्यांच्या घरावर छापा टाकला होता. जामिया नगरचे स्थानिक पोलीस स्टेशनचे एसएचओ नरपाल सिंग यांनी अमानतुल्ला खान यांना समजवण्याचा प्रयत्न केला होता.

अटक केली

अमानतुल्ला खान दिल्लीच्या ओखला मतदारसंघामधून आमदार आहेत. दिल्ली वक्फ बोर्डाच्या अध्यक्षपदाचा गैरवापर करून जवळच्या व्यक्तींच्या नियुक्त्या केल्याचा आरोप खान यांच्यावर आहे. या घोटाळ्याशी संबंधित मनी लाँड्रिंग प्रकरणाचा तपास करत (ED Raid On aap MLA) असताना ईडीचे पथक आज सकाळी अमानतुल्ला यांच्या घरी पोहोचले होते. ईडी टीम आणि अमानतुल्ला यांच्यात काही काळ वाद झाल्याचं देखील समोर आलंय. अनेक तास छापेमारी केल्यानंतर ईडीने अमानतुल्ला यांना अटक केलीय.

दिल्लीचा वक्फ घोटाळा काय आहे ?

नोव्हेंबर २०१६ मध्ये दिल्ली सरकारच्या महसूल विभागाचे एसडीएम यांनी वक्फ बोर्डाचे तत्कालीन अध्यक्ष अमानतुल्ला खान (AAP MLA Smantullah Khan)यांच्याविरोधात तक्रार दाखल केली होती. या तक्रारीमध्ये अमानतुल्ला खान यांनी वक्फ बोर्डाच्या अनेक मंजूर आणि गैर-मंजूर पदांवर बेकायदेशीर नियुक्त्या केल्याचा आरोप करण्यात आलाय. अमानतुल्ला यांनी एकूण ३२ जणांची बेकायदेशीरपणे भरती केल्याचा आरोप केला गेलाय.

अमानतुल्ला खान यांच्यावर आरोप काय?

दिल्ली वक्फ बोर्डात अमानतुल्ला यांनी बेकायदेशीर नियुक्त्या करून (delhi waqf board corruption) पैसे उकळले, असा ईडीने आरोप केलाय. ईडीने आरोप केलाय की अध्यक्ष असताना अमानतुल्ला खान यांनी शंभर कोटी रुपयांची वक्फ मालमत्ता बेकायदेशीरपणे लीजवर दिली होती. त्यांनी बेकायदेशीरपणे वक्फ बोर्डामध्ये ३२ कंत्राटी कर्मचाऱ्यांची नियुक्ती केलीय.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Samsaptak Yog: 30 वर्षांनंतर शनी-शुक्र बनवणार समसप्तक योग; 'या' राशींच्या आयुष्यात अचानक येणार सुखाते क्षण

Maharashtra Live News Update: सरन्यायाधीश भूषण गवईंविरुद्ध आक्षेपार्ह पोस्टप्रकरणी आरोपीविरोधात गुन्हा दाखल

Police Constable Bharti: धक्कादायक! ७,५०० कॉन्स्टेबल पदासाठी १०,००,००० अर्ज; पीएचडी, इंजिनियर अन् पदवीधारकांकडून प्रयत्न

सांगलीत अजित पवारांचा नेता मोठा निर्णय घेणार, पक्षविरहित स्थानिक निवडणूक लढवणार

Dharashiv : गावाजवळील तलावात पोहण्यासाठी गेले; परराज्यातील दोन तरुणांचा बुडून मृत्यू

SCROLL FOR NEXT