कपल्सच्या रोमान्सचे अनेक व्हिडिओ सोशल मीडियात व्हायरल होतात. काही जण खुल्लमखुल्ला रोमान्स करायला घाबरत नाही, पण त्यांचे व्हिडिओ तुफान व्हायरल होतात. सध्या अशाच एका व्हिडिओमुळे खळबळ उडाली आहे. या व्हिडिओमध्ये तरूण बाईक चालवताना दिसत आहे. तर, मुलगी त्याला घट्ट मिठी मारून बसली आहे. बॉलिवूडमधील रोमॅण्टिक सीनप्रमाणे दोघांचा धावत्या बाईकवर रोमान्स सुरू आहे. एकाने हा व्हिडिओ शूट करून शेअर केला. हा व्हिडिओ पोलिसांनी पाहिल्यानंतर त्यांनी या कपलवर कारवाई केली आहे. तसेच दंडही वसूल केला आहे.

व्हायरल व्हिडिओ नोएडाच्या यमुना एक्सप्रेसवेवरील आहे. व्हायरल व्हिडिओमध्ये तरूण विनाहेल्मेट बाईक चालवत आहे. तर, बाईकच्या टाकीवर बसून एक तरूणी त्याला मिठी मारत आहे. दरम्यान, कारमधून जाणाऱ्या एका व्यक्तीला कपलचं रोमान्स होत असल्याचं दिसलं. त्याने तातडीने व्हिडिओ शूट करून शेअर केला. काही क्षणात हा व्हिडिओ व्हायरल झाला. हे प्रकरण पोलिसांपर्यंत पोहोचल्यानंतर त्यांनी तपास केला.

तपासात दुचाकीस्वाराने नियमांचे उल्लघंन केले असल्याचं निष्पन्न झालं. हेल्मेटशिवाय बाईक, धोकादायक स्टंट, जाणूनबुजून वाहतूक सुरक्षेकडे दुर्लक्ष, या नियम मोडल्यामुळे पोलिसांनी दुचाकीस्वारावर ५३,३०० चे मोठे चलन आकारले आहे. या प्रकरणी पोलिसांनी सांगितले की, ही अशी स्टंटबाजी फक्त प्राणघातकच नाही, तर रस्त्यावरून जात असलेल्या लोकांसाठीही घातक ठरू शकते.

व्हिडिओ व्हायरल झाल्यानंतर सोशल मीडियावर संमिश्र प्रतिक्रिया पाहायला मिळत आहे. काही जण याला निष्काळजीपणा म्हणत आहे. तर, काही जण याला जाणूबुजून केलेले स्टंट म्हणत आहे. सध्या हा व्हिडिओ सोशल मीडियावर तुफान व्हायरल झाला आहे.