Latest UP News: उत्तर प्रदेशच्या शाहजहांपुर येथून एक मोठी बातमी समोर आली आहे. येथे 'द केरला स्टोरी' या चित्रपटाप्रमाणे दुर्दैवी घटना घडली आहे. या घटनेत एका महिलेच्या हत्ये प्रकरणी दोन व्यक्तींना अटक करण्यात आली आहे. यातील एकाने महिलेला फसवून तिच्याशी लग्न केले आणि ती गरोदर असताना तिची हत्या केली आहे. सदर घटनेनं संपूर्ण शहरात एकच खळबळ उडालीये. (Latets Marathi News)

मिळालेल्या अधिक माहितीनुसार, नवोद असं मुख्य आरोपीचं नाव असून पोलिसांनी त्याच्यासह अन्य दोघांना अटक केली आहे. आरोपींविरोधात कठोर कारवाई करावी अशी मागणी काही सामाजिक संघटनांनी केली आहे.

सदर घटना ही लोदीपुर ठाणे क्षेत्रातील आहे. सीमा असे मृत महिलेचे नाव आहे. ही महिला लखीपूर जिल्ह्यातील पलिया येथील रहिवासी होती. आरोपीने महिलेला आपल्या जाळ्यात खेचले. तिला तिच्या सुरक्षीततेची खात्री पटवून दिली. नंतर तिच्याशी लग्न करून तिचे नाव सिद्दीकी असे ठेवले.

६ महिन्याच्या गर्भवतीची हत्या

रविवारी आरोपी महिलेला मेडीकल कॉलेजमधून बाहेर घेऊन जात होता. यावेळी ती कोणतीही हालचाल करत नव्हती. डॉक्टरांच्या हे लक्षात येताच त्यांनी महिलेला तपासले असता मृत घोषीत केले. यावेळी शव बाहेर घेऊन जाण्यासाठी आरोपीने जबरदस्ती केली. या घटनेची माहिती पोलिसांना कळताच त्यांनी घटनास्थळी धाव घेतली.

सदर महिला ही ६ महिन्यांची गरोदर (pregnant) होती. तिच्या कुटुंबियांनी असं म्हटलं आहे की, आरोपीने जबरदस्ती तिच्याशी विवाह केला. त्यानंतर तिची संपूर्ण ओळख बदलून टाकली. आता ती गरोदर असताना त्यांनी तिला विष देत तिची हत्या केली. महिलेच्या कुटुंबावर यामुळे दु:खाचा डोंगर कोसळला आहे.