Covid-19 Lockdown in China: चीनमध्ये पुन्हा एकदा कोरोनाचे (Corona) रुग्ण वाढू लागले आहेत. सतत वाढत असलेल्या रुग्णांमुळे शेन्झेन येथील हुआकियांगबेई येथे असलेल्या जगातील सर्वात मोठ्या इलेक्ट्रॉनिक्स रिटेल मार्केटमध्ये ४ दिवसांसाठी लॉकडाऊन लागू करण्यात आला आहे.

तसेच अनेक निर्बंधही लादण्यात आले आहेत. अनेक भागात शाळा, महाविद्यालयेही बंद ठेवण्यात आली आहेत. या भागात पुन्हा एकदा तपासणीचे काम सुरू करण्यात आले आहे. कोरोनाबाधित (Corona) रुग्णांच्या संपर्कात आलेल्या लोकांची चौकशी केली जात आहे.

कोरोनाचे (Corona) रुग्ण वाढल्यानंतर हुआकियांगबेईचे इलेक्ट्रॉनिक मार्केट बंद करण्यात आले आहे. हे जगातील सर्वात मोठे इलेक्ट्रॉनिक्स केंद्र मानले जाते. एवढेच नाही तर सरकारने आपत्कालीन सेवा वगळता सर्व काही बंद केले आहे. लुओहूमध्ये, गुइयुआन, नान्हू आणि सुंगांग उपजिल्ह्यांमध्येही संपूर्ण लॉकडाऊन लागू करण्यात आला आहे. रेस्टॉरंटमध्ये फक्त जेवण घरी नेण्याची परवानगी आहे.

मार्चनंतर शेनझेनमध्ये कोरोनाचे सर्वाधिक रुग्ण आढळले आहेत. सोमवारी कोरोनाचे ११ रुग्ण आढळले. यापूर्वीही सातत्याने रुग्ण समोर येत आहेत. यानंतर चीन सरकारने लॉकडाऊन लागू केला आहे.