नवी दिल्ली : गुजरात आणि हिमाचल प्रदेश निवडणुकीच्या निकालावर काँग्रेस नेते, खासदार राहुल गांधी यांची पहिली प्रतिक्रिया आहे. हिमाचल प्रदेशमध्ये काँग्रेसला चांगला यश मिळालं आहे.

मात्र गुजरातमध्ये काँग्रेसचं अक्षरश: पानीपत झाल्याचं पाहायला मिळत आहे. मतदारांच्या जनादेशाचं स्वागत करतो, अशी प्रतिक्रिया राहुल गांधी यांनी गुजरात निवडणुकीच्या निकालावर दिली आहे. (Election 2022) 

राहुल गांधी यांनी ट्वीट करत गुजरात विधानसभेतील काँग्रेसच्या पराभवाबाबत म्हटलं की, गुजरातच्या जनतेचा जनादेश आम्ही नम्रपणे स्वीकारतो. देशाच्या आदर्शांसाठी आणि राज्यातील जनतेच्या हक्कांसाठी आम्ही कठोर परिश्रम करू आणि लढत राहू.  (Latest Marathi News)

हिमाचल प्रदेशमध्ये मिळालेल्या काँग्रेसच्या यशाबद्दल राहुल गांधी यांनी म्हटलं की, या निर्णायक विजयासाठी हिमाचल प्रदेशातील जनतेचे मनःपूर्वक आभार. सर्व काँग्रेस कार्यकर्त्यांचे आणि नेत्यांचे हार्दिक अभिनंदन. या विजयासाठी तुमची मेहनत खरोखर शुभेच्छांना पात्र आहे. मी पुन्हा आश्वासन देतो की, जनतेला दिलेले प्रत्येक वचन लवकरात लवकर पूर्ण केले जाईल.