काँग्रेसचे जिल्हा अध्यक्ष डॉक्टर प्रमोद सिंह यांच्या मुलाचे रस्ते अपघातात निधन झाले आहे. या घटनेमुळे त्यांच्या कुटुंबावर दु:खाचा डोंगर कोसळला आहे. मिळालेल्या महितीनुसार, प्रणव सिंह हा लवली प्रोफेशनल युनिवर्सिटी, फगवाडा (लुधियाना) मध्ये बीटेकचे शिक्षण घेत होता. शनिवारी रात्रीच्या सुमारास प्रणव सिंहचा अपघात झाला आणि यामध्ये त्याचा जागीच मृत्यू झाला. अपघातात मृत्यू झाल्याची माहिती मिळताच काँग्रेस आणि कार्यकर्त्यांमध्ये शोककळा पसरली. सांगितले जात आहे की, डॉक्टर प्रमोद सिंह हे आसाममध्ये गुवाहाटी येथील कामाख्या देवीच्या दर्शनाला चालले होते. जशी त्यांना मुलाच्या निधनाची माहिती मिळताच क्षणी ते गुवाहाटीवरून माघारी परतले.

सोमवारी दुपारी प्रणवचे पार्थिव हे आणले गेले. पार्थिव दाखल होताच कुटुंबियांचा आक्रोश पाहायला मिळाला. यावेळी स्थानिकांनी आणि काँग्रेस कार्यकर्त्यांनी कुटुंबियाचे सांत्वन केले. माजी आमदार नदीम जावेद, सत्यविर सिंग, मोहम्मद आरीफ, मंगला गुरु आणि कॅप्टन मिश्रा यांच्यासह इतर अनेक प्रमुख व्यक्ति उपस्थित होत्या.

त्यांनी दिवंगत आत्म्यास शांती लाभो अशी प्रार्थना केली प्रणव सिंहच्या निधनाने काँग्रेस नेते प्रमोद सिंह यांच्या कुटुंबात मोठी पोकळी निर्माण झाली असून राजकीय वर्तुळात देखील हळहळ व्यक्त केली जात आहे.