बंगळुरु - भारताचे CDS बिपिन रावत (Bipin Rawat) यांचं हेलिकॉप्टर क्रॅश (Chopper Crash) झालं होतं. त्यात बिपिन रावत यांचं निधन झाले आहे. तामिळनाडूत ही दुर्घटना घडली आहे. चौदा जण या हेलिकॉप्टरमध्ये होते त्यातल्या सर्वांचा मृत्यू झाला आहे. हेलिकॉप्टरमध्ये वरिष्ठ अधिकारी होते असंही सांगण्यात येत आहे. त्याचबरोबर बिपिन रावत यांच्या पत्नीही त्या हेलिकॉप्टरमध्ये होत्या.

सीडीएस बिपन रावत यांच्या हेलिकॉप्टरचा अपघात झाल्यानंतर हवाई दलाने चौकशीचे आदेश दिले आहेत. या हेलिकॉप्टरमधून रावत यांच्या पत्नीसह लष्कराचे वरिष्ठ अधिकारी प्रवास करत होते. भारताचे पहिले आणि वर्तमान चीफ ऑफ डिफेन्स स्टाफ होते. त्यांनी 1 जानेवारी 2020 रोजी चीफ ऑफ डिफेन्स स्टाफचे पद स्वीकारले होते. याआधी ते भारतीय लष्कराचे प्रमुख होते. रावत यांनी 31 डिसेंबर 2016 ते 31 डिसेंबर 2019 पर्यंत लष्करप्रमुख म्हणून काम पाहिले आहे.

Edited By: Pravin Dhamale