Bus Accident: पेरूमध्ये बसला झालेल्या एका भीषण अपघातात २४ प्रवासांना आपले प्राण गमवावे लागले आहेत. शनिवारी पहाटे अपघात झाला आहे. बसमधून एकूण ६० प्रवाशी प्रवास करत होते. पोलिसांनी याबाबतची माहिती स्थानिक माध्यमांना दिली आहे.

पेरूच्या वाहतूक एजन्सीने एका निवेदनात अपघाताची माहिती दिली . सूत्रांनी दिलेल्या माहितीनुसार, पेरूच्या सुदूर उत्तरेकडील एल अल्टो जिल्ह्यात एका कंपनीच्या बसला अपघात झाला. बस पेरूची राजधानी लिमा येथून इक्वेडोरच्या सीमेजवळ असलेल्या तुंबेस प्रदेशासाठी निघाली होती. या दरम्यान हा अपघात झाला. या घटनेची माहिती मिळताच पोलीस, बचाव पथकांनी घटनास्थळी येत बचावकार्य सुरु केले. (Latest News)

सूत्रांनी यांनी सांगितले की, पेरूच्या उत्तरेकडील एल अल्टो जिल्ह्यातील कंपनीच्या बसला हा अपघात झाला. अपघातादरम्यान अनेक प्रवाशांनी बसमधून उडी मारून स्वत:ला वाचवले, मात्र बहुतांश प्रवासी आत अडकले. पोलिसांनी घटनास्थळाला डेविल्स कर्व्ह म्हणजेच सैतानी वळण म्हटलंय. पोलिस सध्या अपघाताच्या कारणाचा तपास करत आहेत.

बेजबाबदारपणे गाडी चालवणे आणि वेग हे पेरूमधील रस्ते अपघातांचे मुख्य कारण आहे. तज्ज्ञांचे म्हणणे आहे की अपघात स्थळी मदत पोहोचण्यास उशीर होतो आणि म्हणूनच काही जखमींचा मदत पोहोचण्यापूर्वीच मृत्यू होतो.