दिल्ली: दिल्लीचे मुख्यमंत्री अरविंद केजरीवाल यांनी बेकायदेशीर अतिक्रमण हटविण्यासाठी एमसीडीच्या बुलडोझर (bulldozer) कारवाईवर निशाणा साधला आहे. केजरीवाल (Arvind Kejriwal) यांनी पत्रकार परिषदेत भाजपला (BJP) एमसीडीच्या सत्तेत राहण्याचा नैतिक अधिकार नसल्याचे म्हटले आहे. अशा परिस्थितीत आम आदमी पार्टी (आप) महामंडळ निवडणुकीनंतर (election) सत्तेत आल्यावर दिल्लीला बेकायदेशीर अतिक्रमणमुक्त करेल आणि कोणालाही बेघर होऊ देणार नाही.

हे देखील पाहा-

सीएम (CM) केजरीवाल म्हणाले, 'अशाप्रकारे दिल्लीत (Delhi) ८० टक्के अतिक्रमण झाले, तर अशा परिस्थितीत हे लोक सर्व कच्च्या वसाहती, झोपडपट्ट्या तोडतील का? असे केल्याने सुमारे ६३ लाख लोकांना फटका बसणार आहे. अखेर या लाखो लोकांची घरे, दुकाने फोडण्याची जबाबदारी कोण घेणार? दिल्लीचे मुख्यमंत्री केजरीवाल म्हणाले की, 'प्रत्येक कामाची एक पद्धत असते, मीही अतिक्रमणाच्या विरोधात आहे. पण भाजप ज्या प्रकारे आपल्या सत्तेचा गैरवापर करत आहे आणि दिल्लीच्या रस्त्यांवर बुलडोझर चालवून भीतीचे वातावरण निर्माण करत आहे, ते योग्य नाही.

दिल्लीतील अवैध अतिक्रमणांवर कडक कारवाई सुरू

देशाच्या राजधानीत बेकायदेशीर अतिक्रमणाविरोधात युद्ध सुरू आहे. अवघ्या ३ दिवसांपूर्वी २ जेसीबी बुलडोझर एकाच वेळी रस्त्याच्या दुतर्फा शेड, पायऱ्यांसारखे बेकायदा अतिक्रमण हटवताना दिसले. यावेळी तेथे पोलिसांचा फौजफाटाही तैनात होता. मिळालेल्या माहितीनुसार विष्णू गार्डन व्यतिरिक्त नजफगढच्या चावला भागातही कॉर्पोरेशनचा बुलडोझर चालवला जात आहे. अशा स्थितीत ज्यांचे अतिक्रमण पाडण्यात आले, त्या लोकांनी आम्हाला न कळवता म्हणजेच नोटीस न देता बुलडोझर चालवल्याचे सांगतात. अशा स्थितीत एमसीडीने आम्हाला कळवले असते तर त्यांनी स्वतः अतिक्रमण काढले असते. दरम्यान, दिल्लीचे उपमुख्यमंत्री मनीष सिसोदिया यांनी केंद्रीय गृहमंत्री अमित शहा यांना पत्र लिहून दिल्लीत सुरू असलेली अतिक्रमणविरोधी मोहीम थांबवण्याची विनंती केली आहे. सिसोदिया यांनी दावा केला की नागरी संस्थेच्या प्रस्तावित मोहिमेमुळे दिल्लीतील ६० लाखांहून अधिक लोक बेघर झाले आहेत.

Edited By- Digambar Jadhav