Delhi Crime News: राजधानी नवी दिल्लीमध्ये एकच खळबळ उडाली आहे. आज सकाळी दिल्लीतील डियर पार्कात तरूण आणि तरूणीचा झाडाला लटकलेल्या अवस्थेत मृतदेह आढळले आहेत. त्यांचं वय १७ वर्षे असल्याचे प्राथमिक तपासातून समोर आले आहे. पोलिसांकडून दोघांची ओळख पटवण्याचे काम सुरू आहे. आज सकाळी साडे सहा वाजता मुडियर पार्कातील सुरक्षा कर्मचारी बलजीत सिंह यांनी पोलिसांना कळवले होते.
घटनेची माहिती मिळताच पोलीस तात्काळ डियर पार्कात दाखल झाले. मृतदेह ताब्यात घेऊन पोस्टमार्टमसाठी पाठवण्यात आले. ही आत्महत्या आहे की हत्या, याचा तपास पोलिसांकडून सुरू करण्यात आला आहे. मुलगा अन् मुलीचे वय १७ वर्ष असल्याचे प्राथमिक तपासातून समोर आले आहे. पार्कातील एका झाडाच्या फांदीला दोन्ही मृतदेह लटकलेल्या अवस्थेत आढळले होते.
हौजमधील डियर पार्क हे दक्षिण दिल्लीतील एक प्रसिद्ध ठिकाण आहे. पार्कात फिरण्यासाठी अनेक लोक येतात. रविवारी सकाळीही अनेक लोक फिरण्यासाठी आले होते. पण सकाळी एका झाडाला तरूण आणि तरूणीचे मृतदेह लटकलेले आढळले. या दोघांचं वय अंदाजे १७ वर्षे असल्याचा अंदाज आहे. दोघांनी एकाच नायलॉन दोरीने झाडाच्या फांदीला फाशी घेतल्याचे प्राथमिक तपासातून समोर आलेय.
तरूण आणि तरूणीची ओळख पटवण्याचे काम पोलिसांकडन सुरू करण्यात आले आहे. प्रथामिक तपासातून दोघांचा कोणताही संबंध आढळून आलेला नाही. प्रियकर-प्रेयसी, बहीण भाऊ आहेत का? ही हत्या आहे की आत्महत्या, याचाही पोलिसाकडून तपास सुरू आहे. पोलिसांकडून आजूबाजूचे सीसीटीव्ही फुटेज तपासण्यात येत आहे. दोघांची ओळख पटल्यानंतर पुढील कारवाईला वेग येईल, असे म्हटले जात आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.