Telangana News:

तेलंगणातील संगारेड्डी जिल्ह्यात एका केमिकल कारखान्यात फॅक्टरीत स्फोट होऊन पाच जणांचा मृत्यू झाल्याची घटना घडली आहे. याबाबत माहिती देताना स्थानिक पोलीस अधिकाऱ्यांनी सांगितले की, अजून आठ ते दहा लोक अडकले आहेत. याचा अर्थ मृतांची संख्या वाढू शकते.

स्फोटाच्या वेळी इमारतीत 50 लोक होते, असं स्थानिकांनी सांगितलं आहे. एनडीटीव्हीच्या वृत्तानुसार, इमारतीतील पुढील भागातही स्फोट होण्याची भीती आहे, त्यामुळे आजूबाजूच्या भागातून लोकांना बाहेर काढण्यास सुरुवात करण्यात आली आहे. जखमींना शासकीय रुग्णालयात दाखल करण्यात आले आहे. (साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

एका वरिष्ठ पोलीस अधिकाऱ्याने पीटीआयला सांगितले की, “फार्मास्युटिकल कंपनीच्या रिॲक्टरमध्ये स्फोट झाला आणि स्फोटाच्या प्रभावामुळे आजूबाजूचे लोक दूर फेकले गेले. आतापर्यंत पाच जणांचा मृत्यू झाला आहे. यात10 ते 15 लोक जखमी झाले आहेत. त्यांना रुग्णालयात दाखल करण्यात आले आहे."  (Latest Marathi News)

तेलंगणाचे मुख्यमंत्री रेवंत रेड्डी यांनी आज अपघाताचा आढावा घेतला. या अपघाताची माहिती अधिकाऱ्यांनी मुख्यमंत्र्यांना दिली. मुख्यमंत्री कार्यालयाने दिलेल्या माहितीनुसार, मुख्यमंत्र्यांनी अग्निशमन विभागाच्या अधिकाऱ्यांना तातडीने बचाव कार्याला गती देण्याचे आणि आगीवर नियंत्रण मिळवण्याचे आदेश दिले. अपघातात जखमी झालेल्यांना वैद्यकीय सेवा देण्याचे निर्देशही त्यांनी जिल्हाधिकाऱ्यांना दिले.