Karnataka BJP Leader Killed: कर्नाटकात विधानसभा निवडणुकीची रणधुमाळी सुरु असताना एक धक्कादायक बातमी समोर येत आहे. कर्नाटकात भाजप नेत्याच्या हत्येने खळबळ उडाली आहे. धारवाडमध्ये ही घटना घडली आहे. या घटनेनंतर राज्यातील वातावरण तापलं आहे.

मंगळवारी धारवाड परिसरात रात्रीच्या वेळी एका धार्मिक मिरवणुकीचं आयोजन करण्यात आलं होतं. या मिरवणुकीदरम्यान किरकोळ भांडणातून काही जणांनी भाजप युवा नेता प्रवीण कम्मर यांच्यावर चाकूने हल्ला केला. या हल्ल्यात प्रविण गंभीर जखमी झाले होते. घटनेनंतर त्यांना तातडीने रुग्णालयात दाखल करण्यात आले होते. मात्र उपचारादरम्यान त्यांचा मृत्यू झाला.या प्रकरणी पोलिसांनी चार संशयितांना ताब्यात घेतले आहे. (Crime News)

प्रवीण कम्मर हे भाजप युवा मोर्चाचे नेते तसेच कोत्तूर ग्रामपंचायतीचे उपसरपंच देखील होते. मिरवणुकीदरम्यान झालेल्या भांडणानंतर तेथे वाद सोडवण्यासाठी प्रविण तेथे गेले होते. मात्र हल्लेखोरांनी प्रविण यांच्यावरही हल्ला केला.  (Latest Marathi News)

भाजप खासदार तेजस्वी सूर्या यांनी ट्वीट करत या घटनेबद्दल माहिती दिली आहे. प्रवीण कमर यांची हत्या त्यांच्या राजकीय विरोधकांनी केल्याचा आरोप त्यांनी केला आहे. त्यांनी आपल्या ट्वीटमध्ये म्हटलं की, अत्यंत दुःखद अंतकरणाने आम्ही प्रवीण कमर यांच्या हत्येची माहिती देत ​​आहोत. मंगळवारी रात्री उशिरा संशयित राजकीय विरोधकांनी त्यांची निर्घृण हत्या केली आहे.