Bihar News :

बिहारमध्ये दुर्गा पूजेच्या उत्सवादरम्यान चेंगराचेंगरीची घटना घडली आहे. या चेंगराचेंगरीत एका ५ वर्षांच्या लहान मुलासह तीन जणांचा मृत्यू झाला आहे. तर अनेकजण जखमी आहेत.

गोपालगंज शहरातील साखर मिल रोडवर असलेल्या राजा दलजवळ ही घटना घडली. जखमींवर सध्या रुग्णालयात उपचार सुरू आहेत. या घटनेनंतर प्रचंड गर्दी आणि चेंगराचेंगरीच्या पार्श्वभूमीवरजिल्हा प्रशासनाने दुर्गादेवीचे दर्शन बंद केले आहे. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

प्रत्यक्षदर्शिंनी दिलेल्या माहितीनुसार, आकर्षक पूजा मंडप पाहण्यासाठी शुगर मिल रोडवर मोठी गर्दी झाली होती. त्यानंतर अचानक गर्दीत चेंगराचेंगरी झाली. या लहान मुलासह दोन महिला गंभीर जखमी झाल्या. मात्र काही वेळातचं त्यांचा जागीच मृत्यू झाला. (Latest Marathi News)

सूत्रांनी दिलेल्या माहितीनुसार, घटना घडली त्यावेळी तेथे पोलिस बंदोबस्त नव्हता. संध्याकाळी महानवमीमुळे मोठ्या प्रमाणात भाविकांची गर्दी झाली. काही वेळातच ही गर्दी नियंत्रणाबाहेर गेली. त्यामुळे झालेल्या चेंगराचेंगरीत अल्पवयीन मुलाचा जमिनीवर पडून मृत्यू झाला.

प्रकरणाची गांभीर्याने दखल घेत जिल्हा प्रशासनाने तातडीने दुर्गापूजा मंडपात देवीच्या दर्शनावर बंदी घातली. याशिवाय परिसरातील वाहतुकीतही बदल केले आहेत. घटनास्थळी मोठ्या प्रमाणात पोलीस बंदोबस्त तैनात करण्यात आला आहे.