बहिणीच्या दिराने वारंवार शारीरसंबंध ठेवले त्यामुळे गरोदर राहिलेल्या १७ वर्षीय अल्पवयीन मुलीने आत्महत्येचा प्रयत्न केला. ही धक्कादायक घटना बिहारच्या मुझफ्फरपूरमध्ये घडली. रुग्णालयातील कर्मचाऱ्यांमुळे या मुलीचे प्राण वाचले. पोलिस सध्या या प्रकरणाचा तपास करत असून आरोपीचा शोध घेत आहे. आरोपीने उत्तर प्रदेशमधील रेल्वे स्टेशनवर मुलीला सोडलं आणि पळून गेला.

मिळालेल्या माहितीनुसार, एसकेएमसीएच रुग्णालयामध्ये उपचार सुरू असलेल्या १७ वर्षीय गर्भवती मुलीने गळाफस घेत आत्महत्याचा प्रयत्न केला. रुग्णालयातील रुग्ण आणि स्वच्छता कर्मचाऱ्यांनी मुलीला गळफासाचा प्रयत्न करताना पाहिले आणि त्यांनी तिचे प्राण वाचवले. सिकंदरपूरमध्ये पीडित मुलगी रस्त्यवर इकडे तिकडे फिरताना पोलिसांना दिसून आली. पोलिसांनी तिची विचारपूस केली तर ती त्यांना तिची प्रकृती खराब असल्याचे दिसून आले. त्यांनी १३ ऑक्टोबर रोजी रुग्णालयात दाखल केले. ती गर्भवतीअसून तेव्हापासून तिच्यावर उपचार सुरू आहेत. उपचारादरम्यान तिने आत्महत्येचा प्रयत्न केला.

घटनेची माहिती मिळताच वैद्यकीय अधिकारी कार्यालयातील पोलिसांनी घटनास्थळी धाव घेतली. चौकशीदरम्यान पीडितेने पोलिसांना सांगितले की, ती उत्तराखंडमधील उधम सिंहनगर जिल्ह्यातील रहिवासी आहे. ती सातवीत शिकत होती. या काळात तिच्या मोठ्या बहिणीच्या दिराने तिला प्रेमाच्या जाळ्यात अडकवले आणि तिला पळवून नेले. त्याने तिला उत्तर प्रदेशातील बरेली येथे ठेवले. त्याने अनेक महिने तिच्यासोबत शरीरसंबंध ठेवले ज्यामुळे ती गर्भवती राहिली.

यानंतर तो तिला तिथूनही घेऊन जाण्याचा प्रयत्न करत होता. पण तिने विरोध केला तेव्हा तो तिला बलिया स्टेशनवर सोडून पळून गेला. त्याने तिचा मोबाईल फोनही घेतला. ती कशी तरी बलियाहून ट्रेनने मुझफ्फरपूरला पोहोचली आणि इकडे तिकडे भटकत होती. तिथे पोलिसांनी तिला मेडिकल सेंटरमध्ये ठेवले. डॉक्टरांनी तपासणी केली असता पीडित तरुणी गर्भवती असल्याचे समोर आले. पोलिस सध्या या मुलीचा चौकशी करत आहेत. पोलिस आरोपीचा शोध घेत आहेत. तसंच मुलीच्या कुटुंबीयांना देखील शोधत आहेत.