बिहारच्या सीतामढी जिल्ह्यातून एक धक्कादायक बातमी समोर येत आहे. भारतीय जनता पक्षाच्या नेत्याच्या भावावर गोळीबार करण्यात आला आहे. ही घटना रिगा पोलीस स्टेशन परिसरातील रामनगरा एनएच - २२ जवळ घडली. पोलिसांना तरूण गंभीर अवस्थेत आढळला. त्याच्या डोक्यात गोळी मारण्यात आली. जवळच रक्तानं माखलेला लोडेड पिस्तूलही पोलिसांना आढळला. पोलिसांनी तातडीने त्यांना रूग्णालयात दाखल केले. सध्या त्यांच्यावर पोलीस ठाण्यात उपचार सुरू आहेत

विक्रम कुमार (वय वर्ष २५) असे जखमी तरूणाचे नाव आहे. खासगी रूग्णालयाक उपचार घेतल्यानंतर त्यांना मुझफ्फरपूरला नेण्यात आले. मिळालेल्या माहितीनुसार, विक्रम कमलदाह गावातील रहिवासी विजय ओझा यांचा मुलगा आहे. तसेच विक्रम हे भाजप युवा मोर्चाच्या राज्य कार्यालय प्रभारींचा भाऊ असल्याची माहिती समोर आली आहे.

पोलिसांनी दिलेल्या माहितीनुसार, डायल ११२ ची गाडी परिसरात गस्त घालत होती. दरम्यान, २० ते २५ मीटर अंतरावर पोलिसांना एक बाईक दिसली. बाईकच्या शेजारी तरूण झोपलेला दिसला. पोलीस बाईकजवळ गेले, तेव्हा तरूण रक्ताच्या थारोळ्यात पडला असल्याचे निदर्शनास आले. तरूणाच्या डोक्यात गोळी लागली होती.

पोलिसांनी त्याला तातडीने खासगी रूग्णालयात उपचारासाठी दाखल केले. दरम्यान, गोळीबाराची माहिती मिळताच भाजप जिल्हाध्यक्ष मनीष कुमार, आमदार मिथिलेश कुमार, माजी मंत्री डॉ.रामचंद्र पूर्व आणि भाजप नेते विशाल कुमार यांनी रूग्णालयात धाव घेतली. पोलिसांनी घटनास्थळी धाव घेत तपासाला सुरूवात केली.

तरूणाला गोळी लागली कशी, हत्या आहे की आत्महत्या? याचा तपास सुरू आहे. फॉरेन्सिक टीम आणि पोलिसांकडून तपास सुरू आहे. कुटुंबाचा देखील जबाब नोंदवण्यात येईल.