बिहार राज्यातील इयत्ता 10 वीचा निकाल जाहीर झाला असून 2026 या वर्षीचे परिणाम समोर आले आहेत. रविवारी 29 मार्चला शिक्षणमंत्री सुनील कुमार यांनी बोर्डचे अध्यक्ष आनंद किशोर याच्या उपस्थितीत या वर्षीचा निकाल घोषित केला आहे. या वर्षी 81.79 विद्यार्थी पास झाले असून मागच्या वर्षीच्या तुलनेने कमी आहे. सलग आठव्या वर्षी बिहार बोर्डाने देशात सर्वप्रथम बोर्ड परीक्षेचा निकाल जाहीर करून इतिहास रचला आहे.

दोन विद्यार्थिनी परीक्षेत अव्वल

या वर्षीच्या गुणवत्ता यादीत दोन विद्यार्थिनींनी संपूर्ण राज्यात संयुक्तपणे प्रथम क्रमांक पटकावला आहे. प्रथम क्रमांक मिळवणाऱ्या विद्यार्थिनींमध्ये जमुई येथील सिमुलतला निवासी शाळेची पुष्पांजली आणि वैशाली जिल्ह्यातील छौदाही येथील उच्च माध्यमिक शाळेची समीर परवीन यांचा समावेश आहे. दोघींनाही ५०० पैकी ४९२ गुण म्हणजेच ९८.४२% मिळाले आहेत. एकूणच या वेळी पहिल्या १० जणांच्या यादीत १३९ उमेदवारांचा समावेश असून, त्यात मुलींचे वर्चस्व आहे. उत्तीर्ण झालेल्या एकूण विद्यार्थ्यांपैकी ६,०१,३९० मुले, तर ६,३४,३५३ मुली होत्या.

बोर्डतर्फे गुणवंतांना रोख बक्षिसे, लॅपटॉप, शिष्यवृत्ती आणि किंडल ई-बुक रीडर देऊन गौरवले जाईल. प्रथम क्रमांक मिळवणाऱ्या विद्यार्थ्याला ₹२ लाख, द्वितीय क्रमांक मिळवणाऱ्याला ₹१.५ लाख आणि तृतीय क्रमांक मिळवणाऱ्याला ₹१ लाखाचे रोख बक्षीस मिळेल.

निकाल येथे तपासा

results.biharboardonline.com

biharboardonline.bihar.gov.in

bsebexam.com