Tamil Nadu 365 days maternity leave for third child : नोकरदार महिलांसाठी एक अत्यंत आनंदाची आणि महत्त्वाची बातमी समोर आली आहे. तमिळनाडू सरकारने महिला कर्मचाऱ्यांना मोठी भेट दिली असून, आता प्रसूती रजेच्या कालावधीत थेट ३६५ दिवसांचा, म्हणजेच पूर्ण एका वर्षांची सवलत देण्याचा निर्णय घेतला आहे. हा नियम तिसऱ्या अपत्याच्या जन्माच्या वेळीही लागू असणार आहे.

तमिळनाडू सरकारने हा ऐतिहासिक निर्णय घेतला असून राज्याचे मानव संसाधन व्यवस्थापन मंत्री यांनी विधानसभेत यासंदर्भात अधिकृत घोषणा केली आहे.

असा निर्णय घेण्यामागचे नेमके कारण काय?

अनेक ठिकाणी पहिल्या दोन अपत्यांसाठीच प्रसूती रजा दिली जाते. पण तमिळनाडू सरकारने तिसऱ्या अपत्यासाठीही पूर्ण एका वर्षाची रजा देण्याचा निर्णय घेतला आहे.

यामागे राज्यातील घसरता प्रजनन दर (Declining Fertility Rate) हे मुख्य कारण आहे. राज्यातील लोकसंख्येचा तोल सांभाळण्यासाठी आणि महिला कर्मचाऱ्यांना तिसऱ्या बाळंतपणाच्या काळात पुरेसा वेळ मिळावा, या उद्देशाने प्रशासनाने ही सवलत लागू केली आहे.

३६५ दिवसांची भरपगारी रजा

महिला कर्मचाऱ्यांना बाळाच्या संगोपनासाठी आता पूर्ण १ वर्षाची प्रसूती रजा मिळेल. केवळ पहिल्या दोनच नव्हे, तर तिसऱ्या अपत्याच्या वेळीही ही रजा महिलांना घेता येणार आहे. तमिळनाडू विधानसभेत या धोरणाची अधिकृत घोषणा करण्यात आली असून, यामुळे नोकरदार महिलांमध्ये आनंदाचे वातावरण पसरले आहे.

या निर्णयामुळे महिलांना त्यांच्या करिअरसोबतच कुटुंबाची आणि नवजात बालकाची काळजी घेणे अधिक सोपे होणार असून, इतर राज्यांमध्येही असाच निर्णय होण्याची शक्यता आहे.