BCCI Loses Blue Tick: पंतप्रधान नरेंद्र मोदींच्या आवाहनानंतर डीपी बदलणे भारतीय क्रिकेट नियामक मंडळाला (BCCi) महागात पडलं आहे. पंतप्रधान मोदी यांनी 'हर घर तिरंगा मोहिमे'च्या समर्थनार्थ डिस्प्ले पिक्चर (Indian Flag DP) बदलण्याचे आवाहन केलं होतं.

यानंतर बीसीसीआयने ट्विटरवर आपला डीपी बदलला होता. बीसीसीआयने डीपी बदलल्यानंतर ट्विटरने त्यांच्या अकाऊंटवरून ब्लू टिक हटवलं.

पंतप्रधान नरेंद्र मोदी यांनी 15 ऑगस्ट दिनी देशभरात 77 व्या स्वातंत्र्य दिनापूर्वी नागरिकांना त्यांच्या सोशल मीडिया अकाउंटवरील प्रोफाइल पिक्चर भारतीय तिरंग्यानुसार बदलण्याचे आवाहन केले. यातच बीसीसीआयने पंतप्रधान मोदींच्या आवाहनानुसार या मोहिमेचा एक भाग म्हणून त्यांचा डीपी बदलला. (Latest Marathi News)

यामुळे बीसीसीआयला आपली ब्लू टिक गमवावी लागली. ब्लू टिक गेल्यानंतर काही लोक विचार करू लागले की, बीसीसीआयचे अधिकृत अकाउंट व्हेरिफाय का नाही आहे. काही लोकांनी सांगितले की, ट्विटर त्या अकाउंटचे ब्लू टिक काढून टाकते जे त्यांचे डीपी बदलतात.

दरम्यान, भारतीय संघाबद्दल बोलायचे झाले तर, टीम इंडियाने चौथ्या टी-20 सामन्यात वेस्ट इंडिजवर पूर्णपणे वर्चस्व राखत नऊ विकेट्सने विजय मिळवला. या विजयासह टीम इंडियाने या मालिकेत 2-2 अशी बरोबरी साधली आहे. दुसरीकडे आज लॉडरहिलमधील सेंट्रल ब्रॉवर्ड रीजनल पार्क स्टेडियम टर्फ मैदानावर पाचवा आणि अंतिम टी-20 सामना खेळवला जात आहे.