1984 च्या शीखविरोधी दंगलीप्रकरणी दिल्लीतील राऊस एव्हेन्यू कोर्टाने काँग्रेस नेते सज्जन कुमार यांना दोषी ठरवले आहे. कुमार यांच्या शिक्षेवर18 फेब्रुवारीला वाद-विवाद होणार आहे. एक नोव्हेंबर 1984 दिल्लीच्या सरस्वती विहारमध्ये जसवंत सिंह आणि त्यांचा मुलगा तरुणदीप सिंह यांच्या हत्येप्रकरणी सज्जन कुमार आरोपी होते. या प्रकरणात कोर्टाने आज निर्णय दिला.

काय आहे आरोप?

कोर्टाने आरोपी सज्जन कुमार यांच्याविरोधात IPC कलमान्वये 147/148/149/302/308/323/395/397/427/436/440 अंतर्गत येणाऱ्या गुन्ह्या प्रकरणी त्यांच्यावर आरोप निश्चित करण्यात आलेत. एसआयटीने सज्जन कुमार हे संतप्त जमावाचं नेतृत्त्व करत होते. त्यांना प्रेरित केल्यामुळे टोळक्याने दोन व्यक्तींना जिवंत पेटवून दिलं होतं. तसेच त्यांच्या घरातील वस्तू आणि संपत्तीचं नुकसान केलं होतं. घरातील वस्तूंची नासधूस केली.

संतप्त जमावाने पीडित लोकांचं घर पेटवून दिलं होतं. तसेच त्यांच्या घराच्यांनाही मारहाण केली होती. एक नोव्हेंबर 2023 रोजी कोर्टाने या प्रकरणी सज्जन कुमार यांचा जबाब नोंदवला होता. त्यावेळी सज्जन कुमार यांनी त्यांच्याविरोधात करण्यात आलेले आरोप फेटाळून लावले होते.