अफगाणिस्तान: अफगाणिस्तानच्या पश्चिम भागात सोमवारी झालेल्या भूकंपात 26 जणांचा मृत्यू झाला आहे. भूकंप इतका जोरदार होता की, अफगाणिस्तानच्या (Afghanistan) पश्चिमेकडील प्रांत असलेल्या बादघिसच्या कादीस जिल्ह्यातही घरे कोसळली आहेत. मीडिया रिपोर्ट्सनुसार, घरात दबल्यामुळे अनेक लोकांचा मृत्यू झाला आहे. (Afghanistan Earthquake News Update)

वृत्तसंस्था एएफपी, नुसार म्हटले आहे की, भूकंपात आतापर्यंत 26 जणांचा मृत्यू झाला आहे. तसेच मृतांचा आकडा आणखी वाढण्याची शक्यता वर्तवली जात आहे. भूकंपाची तीव्रता रिश्टर स्केलवर 5.6 इतकी होती. शुक्रवारीसुद्धा अफगाणिस्तानातील फैजाबादजवळ भूकंपाचे धक्के जाणवले होते. (Earthquake in Afghanistan)

अफगाणिस्तानला (Afghanistan) लागून असलेल्या पाकिस्तानच्या (Pakistan) उत्तर भागात शुक्रवारी रात्री 5.6 रिश्टर स्केल तीव्रतेचा भूकंप (Earthquake) जाणवला होता. पाकिस्तानच्या हवामान खात्याने दिलेल्या माहितीनुसार, कोणतीही जीवितहानी झाली नाही.