हुबळी, कर्नाटक : हुबळी-धारवाडच्या तरीहाळा (Tarihal bypass) बायपासवर (Hubballi Dharwad Bypass) भीषण अपघात झाला आहे. यात लॉरी आणि खासगी बसची समोरासमोर जोरादार धडक झाली आहे. या अपघातात (Accident) ८ जण ठार जागीच ठार झाले आहेत तर २६ जण गंभीर जखमी आहेत, मृतांमध्ये कर्नाटकातील (Karnataka) दोघांचा समावेश आहेत. तर ६ जण कोल्हापूर आणि पुणे जिल्ह्यातील होते. अपघातातील जखमींवर हुबळीच्या किम्स रुग्णालयात उपचार सुरु आहेत. (8 dead, 26 injured in road accident in Karnataka's Hubli)

हे देखील पाहा -

मिळालेल्या माहितीनुसार एक खाजगी प्रवासी बस ही कोल्हापूरहून बंगळूरकडे निघाली होती. याच प्रवासी बसची आणि एका लॉरीची आमने-सामने जोरदार धडक झाली. मध्यरात्री साडेबारा ते एक दरम्यान हा भीषण अपघात घडला आहे. बसचा ड्रायव्हर एका ट्रॅक्टरला ओव्हरटेक करताना हा अपघात घडला असल्याचं बोललं जातंय. पोलिसांनी या अपघाताबाबत एफआयआर नोंदवली असून अधिक तपास सुरू आहे.

आठवड्याभरातली दुसरी घटना

असाच भीषण अपघात हा तीन दिवसांपुर्वी (२१ मे) ला झाला होता. शनिवारी (२१ मे) ला पहाटे कर्नाटकातील (Karnataka) धारवाड जिल्ह्यात झालेल्या भीषण अपघातात ७ जणांचा जागीच मृत्यू झाला होता. क्रुझरमधून लग्नावरुन गावी परत जात असताना हा अपघात (Accident) झाला. या क्रुझरमधून २१ जण प्रवास करत होते. यातील ७ जणांचा जागीच मृत्यू झाला. तर १० जण जखमी झाले होते.

Edited By - Akshay Baisane