Gujarat News: गुजरातमधून एक मोठी बातमी समोर येत आहे. अहमदाबाद येथील शाहीबाग परिसरात एक मोठी दुर्घटना घडली आहे. या ठिकाणी एका इमारतीच्या सातव्या मजल्यावर भीषण आग लागली आहे. अनेक व्यक्ती आगीत आडकल्या आहेत तसचे एका चिमुकलीचा यात दुर्दैवी मृत्यू झाला आहे. घटनेची माहिती मिळताच अग्निशमन दल घटनास्थळी पोहचले असून आगीवर नियंत्रण मिळवण्याचे काम सुरू आहे.

मिळालेल्या माहितीनुसार एका १५ वर्षीय मुलीचा यात मृत्यू झाला आहे. ही मुलगी घरी एकटीच होती. घरातील इतर सदस्य बाहेर गेले असताना ही घटना घडली. अशात आगीचं कारण अद्याप स्पष्ट झालेलं नाही. सातव्या मजल्यावर आग लागल्यानंतर ही आग आणखीन वरती पसरत चालली आहे. त्यामुळे वरच्या मजल्यावर अडकलेल्या व्यक्तींना सुखरूप खाली आणण्याचे शर्थीचे प्रयत्न सुरू आहेत.