झारखंड - लोहरदगा जिल्ह्यातील भंडारा ब्लॉकमधील बंदगाई येथील संदीप ओराव नावाचा तरुण एकाच वेळी चक्क दोन मुलींच्या प्रेमात पडला आहे. संदीपचे गेल्या ३ वर्षांपासून दोन मुलींशी प्रेमसंबंध होते. यापैकी पहिल्या मुलीकडून त्याला एक मूलही आहे. (Unique Wedding Latest Marathi News)

संदीपचे दोन्ही मैत्रिणींसोबत अनेकदा वादही झाले होते.त्यानंतर हे प्रकरण गावापर्यंत पोहोचले आणि रविवारी गावकऱ्यांनी बंदगाईत सामाजिक सभा घेऊन या दोन मुलींचे संदीपशी लग्न लावून दिले. या विवाह (Marriage) सोहळ्यात गावातील कुटुंबीय आणि पहिल्या प्रियसीचा मुलगाही सहभागी झाले होते.

हे देखील पाहा -

ब्लॉकच्या आकाशी पंचायत अंतर्गत बांदा पत्राटोली येथील रहिवासी संदीप ओराव या युवकाचे गदरपो पंचायतीच्या धानामुंजी गावातील रहिवासी कुसुमशी गेल्या तीन वर्षांपासून प्रेमसंबंध सुरू होते. लग्नापूर्वी दोघांना एक मुलगाही आहे. तर बंगालमधील वीटभट्टीवर मजूर म्हणून काम करत असताना बागडू पंचायतीच्या पत्रातु महतो टोली येथील स्वाती या तरुणीशी वर्षभरापूर्वी प्रेमसंबंध होते.

दोन्ही तरुणींचे एका तरुणासोबत प्रेमसंबंध असल्याने अनेकदा वाद झाला. यानंतर ग्रामस्थ व कुटुंबीयांच्या संमतीने रविवारी सामाजिक रितीरिवाजांनुसार दोन्ही मुलींचे लग्न लावून देण्यात आले. संदीपने एका मंडपात दोन तरुणींशी लग्न केल्यानेसध्या गावात त्याची जोरदार चर्चा सुरु आहे.