वृत्तसंस्था : पाकिस्तान मधील आदिवासी भागात जंगलातील जमिवीवर कब्जा करण्यावरून २ गटांमध्ये तुफान वादावादी होत आहे. या वादामधून झालेल्या गोळीबारामध्ये १० जणांचा मृत्यू झाला आहे. तर १५ जण जखमी झाले आहेत. अधिकाऱ्यांनी रविवारी ही माहिती दिली आहे. ही घटना पाकिस्तानच्या उत्तर-पश्चिम भागात घडलेली आहे.

अधिकाऱ्यांनी दिलेल्या माहितीनुसार, हा वाद शनिवारी दुपारनंतर सुरू झाला होता. पेशावरपासून २५१ किमी अंतरावर असलेल्या खुर्रम जिल्ह्यामधील तेरी मेगल गावात राहणाऱ्या गैदू टोळीच्या लोकांनी सरपणासाठी लाकूड गोळा करणाऱ्या पेवार टोळीच्या सदस्यांवर गोळीबार करण्यात आला होता. मिळालेल्या माहितीनुसार, खुर्रम जिल्ह्यात सबडिव्हिजवनमध्ये जंगलातील मालकी हक्कावरून २ गटांमध्ये वाद आहे.

हे देखील पहा-

यामुळे मागील काही महिन्यांपासून तणाव सुरू होता. एका पोलीस अधिकाऱ्यांनी दिलेल्या माहितीनुसार की, या धुमश्चक्रीमध्ये ४ जणांचा मृत्यू शनिवारी तर ६ अन्य लोकांचा मृत्यू पेवार समुदायाच्या लोकांना रविवारी केलेल्या प्रतिहल्ल्यात झाला आहे. बंदुकधाऱ्यांनी लपून हल्ला केला आहे. यावेळी दोन्हीकडून मोठी हत्यारे आणि रॉकेल लाँचरचा वापर करण्यात आला आहे.

उत्तर पश्चिम पाकिस्तान मधील खुर्रम जिल्ह्यात सीमा अफगाणिस्तानला लागून आहे. या ठिकाणी बंदुकीचा वापर आणि दहशतवादी हल्ले नेहमी होत असतात. दोन्ही गटात जेष्ठ व्यक्ती आणि सरकारी अधिकारी गैदू आणि पेवार टोळीमध्ये समेट घडवून आणण्याकरिता प्रयत्न करत आहेत. पोलीस आणि निमलष्करी दलांना परिसरात पाठवण्यात आले आहे. माहिती मिळेपर्यंत दोन्ही समुदायांमध्ये हा संघर्ष सुरू होता. यामुळे मृतांची संख्या वाढण्याची भीती पोलिसांनी व्यक्त केली आहे.

Edited By- Digambar Jadhav