पुणेकरांना दिवाळीआधी दिलासा! दिवसभरात शून्य कोरोना मृत्यू Saam Tv
मुंबई/पुणे

पुणेकरांना दिवाळीआधी दिलासा! दिवसभरात शून्य कोरोना मृत्यू

राज्यात कोरोनाचा पहिला रुग्ण सापडलेल्या आणि कोरोना महामारीचे हॉटस्पॉट म्हणून ठरलेल्या पुण्याला आज मोठा दिलासा मिळाला

ब्युरो रिपोर्ट, साम टीव्ही, मुंबई

पुणे : राज्यात कोरोनाचा पहिला रुग्ण सापडलेल्या आणि कोरोना महामारीचे हॉटस्पॉट म्हणून ठरलेल्या पुण्याला आज मोठा दिलासा मिळाला आहे. कोरोनामुळे निर्बंधांच्या मगरमिठीत अडकलेल्या मुंबई मागोमाग पुण्यातही आज शून्य कोरोना मृत्यूची नोंद झाली आहे. यामुळे अहोरात्र झटणाऱ्या आरोग्य यंत्रणेसह प्रशासनाच्या प्रयत्नांना मोठ यश आले आहे.

हे देखील पहा-

महाराष्ट्रात पहिला कोरोना रुग्ण पुण्यात आढळून आला होता. यानंतर कोरोना मुंबईसह राज्याच्या इतर भागात मोठ्या प्रमाणात पसरला होता. मागील २ वर्षांपासून पुणे शहर कोरोनाशी लढा देत आहे. अखेर या लढ्याला बळ देणारी घटना आज घडली असून, शहरात प्रथमच शून्य कोरोना मृत्यूची नोंद झाली आहे. पुण्याचे महापौर मुरलीधर मोहोळ यांनी ट्वीट करून ही आनंदवार्ता पुणेकरांसोबत शेअर केली आहे.

पुणे मनपा हद्दीत कोरोना संसर्ग नियंत्रणात आला असताना आता मृत्युसंख्येवर देखील नियंत्रण प्राप्त झाले आहे. आज तर महापालिका हद्दीमध्ये एकाही कोरोना बाधिताचा मृत्यू झाला नाही. ६ फेब्रुवारी २०२१ नंतर हा दिलासा आपल्याला पहिल्यांदा बघायला मिळाले आहे', असे महापौर मोहोळकर यांनी म्हटले आहे.

पुण्यात आज किती रुग्ण आढळून आले?

पुणे शहर हद्दीमध्ये आज ११२ कोरोना पॉझिटिव्ह रुग्ण आढळून आले आहेत. पुण्यात सध्या १५१ रुग्णांची प्रकृती गंभीर आहे. तर १७८ रुग्णांना ऑक्सिजनद्वारे उपचार घेत आहेत. दिवसभरात पुण्यात ११८ रुग्णांना डिस्चार्ज देण्यात आला आहे. पुण्यातील उपचाराधीन रुग्णांची संख्या ९८८ इतकी आहे.

मुंबईमध्ये मागील २४ तासांत ४६३ कोरोना बाधित रुग्ण आढळून आले आहेत, तर ५५८ रुग्ण कोरोनावर मात करून घरी परतले आहेत. मुंबईचा रिकव्हरी रेट ९७ टक्के इतका आहे, कोरोना संसर्गाचा दर ०.०५ इतका आहे. सध्या मुंबईमध्ये ४५५० रुग्ण उपचाराधीन असून, रुग्ण दुप्पटीचा वेग 1१३२४ इतका आहे.

Edited By- Digambar Jadhav

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Accident : महामार्ग ओलांडताना घात झाला, भरधाव ट्रकची ८ दुचाकींना धडक; ५ जणांचा जागीच मृत्यू

Maharashtra Live News Update: यवतमाळ जिल्हाधिकारी कार्यालयावर धडकले उमेदवार, पालिकेची निवडणूक पुढे न ढकलण्याची मागणी

Lemon Water: हिवाळ्यात लिंबू पाणी प्यावे की नाही?

मुंबईत शिंदे सेनेचे नेते आणि स्थानिकांमध्ये मोठा राडा, हेल्मेट मारलं, कॉलर पकडली अन्...VIDEO

वंशाच्या दिव्यासाठी गर्भवती महिलेचा छळ; सासरच्या त्रासाला कंटाळून मृत्यूला कवटाळलं

SCROLL FOR NEXT