अश्विनी जाधव केदारी

पुणे: पुण्यात धावत्या रिक्षात महाविद्यालयीन तरुणीच्या विनयभंगाची घटना घडलीच नव्हती, अशी माहिती आता समोर आली आहे. पीडितेनं भीतीपोटी पोलिसांत तक्रार केली. ही घटना हिंजवडीत घडली होती. घरात घुसून दोघांनी तिच्यावर अतिप्रसंगाचा प्रयत्न केला होता. पोलीस तपासात खरा प्रकार समोर आला आहे.

हिंजवडीत एका तरुणीवर घरात घुसून दोघा अज्ञातांनी अतिप्रसंगाचा प्रयत्न केला होता. त्यावर पीडितेनं प्रतिकार केला असता, तिला दोघांनी सिगारेटचे चटके दिले. पीडितेनं हिंजवडी पोलीस ठाण्यात तक्रार दाखल केली होती. पाण्याची कॅन घ्यायला आल्याचे सांगून दोन्ही आरोपी घरात घुसले आणि त्यांनी तरुणीचा विनयभंग केला होता. त्यावेळी तरुणीनं आरडाओरडा केला. चिडलेल्या आरोपींनी तिला सिगारेटचे चटके दिले होते. याच तरुणीनं बंडगार्डन पोलिसांत धाव घेऊन, धावत्या रिक्षात चालकानं आणि त्याच्या साथीदारानं विनयभंग केल्याची तक्रार दिली होती. भीतीपोटी तिनं अशा प्रकारची तक्रार केली होती.

हे देखील पहा-

मात्र, तसं काही घडलंच नव्हतं, अशी माहिती आता समोर आली आहे. हिंजवडीत या तरुणीचा विनयभंग झाला होता, अशी माहिती पोलीस तपासात उघड झाली आहे. धावत्या रिक्षात असा काही प्रकार घडला नव्हता, असं पीडितेनं पोलिसांना सांगितलं. त्यावर तिला पुन्हा विचारणा करण्यात आली. हिंजवडीत घरात घुसून तरुणांनी विनयभंग केला होता, असं तिनं सांगितलं. त्यामुळं धावत्या रिक्षात घटना घडली नसून, ती हिंजवडीत घडली आहे, अशी माहिती समोर आली आहे. या घटनेचा तपास पोलीस करत आहेत.