अश्विनी जाधव केदारी

पुणे: पुष्पा चित्रपटातील श्रीवल्ली संबोधून पुण्यातील धनकवडी परिसरातील दोन तरुणांनी एका तरुणीचा विनयभंग केल्याची घटना घडली आहे. या दोघांविरोधात सहकारनगर पोलीस स्टेशनमध्ये गुन्हा दाखल करण्यात आला आहे. सोहेल आणि आरबाज अशी या दोघांची नावे आहेत. (Pune Crime News)

"तू पुष्पा चित्रपटातील हीरोइन श्रीवल्ली सारखी दिसतेस";

याप्रकरणी पोलिसांनी दिलेल्या माहितीनुसार, पीडित तरुणी ही पुण्यातील धनकवडी येथे राहायला आहे. काल रात्री याच परिसरात ती तरुणी आपल्या घराजवळ थांबली असताना , आरोपी सोहेलने तरुणीला पाहत शिट्टी वाजवायला सुरुवात केली आणि तू पुष्पा चित्रपटातील हीरोइन श्रीवल्ली सारखी दिसतेस; मला तुझ्या सोबत लग्न करायच आहे, असे म्हणत सोहेलने पीडीतेला मिठी मारली.

हे देखील पहा-

आरोपी फरार;

या सगळ्याच प्रकारानंतर पीडित तरुणीने आरडाओरड सुरू केली. त्यानंतर तिचा सख्खा भाऊ तिथे आला. पण सोहेल आणि अरबाज या दोघांनीही त्याला मारहाण केली आणि तिथुन फरार झाले. याप्रकरणी पीडित तरुणीने सहकारनगर पोलीस स्टेशनमध्ये तक्रार दाखल केली असून अरबाज आणि सोहेल यांच्या विरोधात विनयभंगाचा गुन्हा दाखल करण्यात आला आहे.