वरळीतल्या प्रकरणानंतर मिहीरसह त्याची आई, बहीण आणि वडिलांनाही जेलवारी करावी लागली. त्यामुळे पालकांनी आपल्या मुलांकडे लक्ष देण्याची गरज आहे. पुण्यातील कल्याणीनगर प्रकरणावर पडदा पडत नाही तोच मुंबईतील वरळी हिट अँड रन प्रकरणानं संपूर्ण महाराष्ट्र हादरला. महिलेला आपल्या महागड्या गाडीनं एकदा नाहीतर दोनदा चिरडणाऱ्या मिहीर शाहाला बेड्या घालण्यात अखेर पोलिसांना यश आलं.

तब्बल तीन दिवसांनी पोलीस आरोपी मिहीर शाहपर्यंत पोहोचलंय. मात्र मिहीरच्या या कारनाम्यामुळे अख्ख्या कुटुंबाला जेलवारी घडलीये. त्यामुळे पालकांनो मुलांवर लक्ष ठेवा नाहीतर त्यांच्या चुकीची शिक्षा तुम्हाला भोगावी लागेल.

एक अपघात, कुटुंब गजाआड

मिहीर शाह,मुख्य आरोपी, पोलिसांकडून अटक

राजेश शाह, आरोपी मिहीरचे वडील, वरळी पोलिसांकडून अटक,जामीन

मिनी राजेश शाह,आरोपीची आई, पोलिसांकडून चौकशी,चौकशीअंती सुटका

पूजा राजेश शाह,आरोपीची बहीण, पोलिसांकडून चौकशी,चौकशीअंती सुटका

किंजल राजेश शाह,आरोपीची दुसरी बहीण,पोलिसांकडून चौकशी,चौकशीअंती सुटका

पुण्यातील कल्याणीनगर परिसरात घडलेल्या हिट अँड रन प्रकरणानं अख्खा महाराष्ट्र हादरला. या अपघात प्रकरणी अख्ख्या कुटुंबाला जेलवारी घडली. त्याचीच पुनरावृत्ती मुंबईच्या वरळी हिट अँड रन प्रकरणात घडतेय. ऐन अधिवेशन काळात घडलेल्या याप्रकरणाचे पडसाद विधिमंडळातही उमटलेत. दरम्यान मिहीर शाहला पोलिसांनी कोर्टात हजर केलं असता धक्कादायक खुलासे झालेत. काय घडलं कोर्टात पाहूय

वरळी पोलिसांची कोर्टात काय सांगितलं?

वरळी पोलिसांची शिवडी कोर्टात माहिती

मिहीरनं दाढी, केस गाडीमध्येच कापले

वरळी पोलिसांकडून आरोपी मिहीरच्या पोलिस कोठडीची मागणी

मिहीर शाहनं अपघात झाल्यानंतर आपल्या कुटुंबाला सर्व माहिती दिली

मिहीरनं सरेंडर केलं नाही, त्याला अटक केली

आरोपी मिहीरनं लपण्यासाठी वेगवेगळ्या जागा बदल्या

आरोपी मिहीरनं अनेकांना मदतीसाठी फोन केले

वरळी हिट अँड रन प्रकरणात 1,735 पानांचं आरोपपत्र दाखल करण्यात आलंय. याबाबत सरकारी वकील आणि आरोपी मिहीर शाहच्या वकीलांमध्ये जोरदार युक्तीवाद झाले. सरकारी वकिलांनी मिहीरच्या पोलिस कोठडीची मागणी केली होती ती कोर्टानं मान्य करत 7 दिवसांची पोलीस कोठडी सुनावलीये.

पालकांनो तुमच्या मुलांना महागड्या गाड्या गिफ्ट करताना विचार करा. कारण तुम्ही दिलेलं गिफ्ट तुमच्या कुटुंबालाच जेलवारी घडवण्यासाठी कारणीभूत ठरु शकतं. निष्पापांचा बळी घेणारा मिहीर असो वा पुण्यातील अल्पवयीन आरोपी दोघेही तितकेच दोषी आहेत मात्र त्यांचे पालकही या दोन्ही घटनेत तितकेच दोषी आहेत.