मुंबई : सामाजिक न्याय मंत्री धनंजय मुंडे (Dhananjay Munde) यांना बलात्काराची तक्रार करण्याची धमकी देत, एका महिलेने ५ कोटीची खंडणी मागितल्याची घटना समोर आली आहे. या धमकी प्रकरणी मुंबईच्या पोलीस (Mumbai Police) ठाण्यात इंदौरच्या महिले विरोधात खंडणीचा गुन्हा दाखल करण्यात आला आहे.

संबधित गुन्हा पुढील तपासासाठी गुन्हे शाखेकडे वर्ग केला असून आरोपी महिलेने धनंजय मुंडे यांच्याविरोधात ओशिवरा पोलीस ठाण्यात बलात्काराची तक्रार देखील केली होती. कालांतराने महिलेने मुंडेविरोधातील तक्रार मागे घेतली होती.

हे देखील पाहा -

दरम्यान, फेब्रुवारी आणि मार्च महिन्यात आंतरराष्ट्रीय नंबरवरुन या महिलेने मुंडे यांना फोन करत ५ कोटी रुपये किंमतीचे दुकान व महागड्या मोबाइलसाठा तगादा लावला होता. तसंच जर मागण्या पूर्ण न केल्यास सोशल मिडियावर (Social Media) बदनामी करण्याची धमकी देत, पून्हा गुन्हा दाखल करण्याची धमकीही महिलेने दिल्याची माहिती सूत्रांनी दिली आहे. या प्रकरणी गुन्हे शाखेचे पोलिस अधिक तपास करत आहेत.

Edited By - Jagdish Patil