मुंबई : जोगेश्वरी रेल्वे स्थानकात एक धक्कादायक घटना घडल्यामुळं खळबळ उडाली आहे. जोगेश्वरी रेल्वे स्थानकाच्या हार्बर मार्गावर ट्रेनमधून प्रवास करणाऱ्या (woman molested) महिलेचा विनयभंग झाल्याचा धक्कादायक प्रकार उघडकीस आला आहे. पीडित महिलेनं याप्रकरणी अंधेरी व बोरिवली रेल्वे पोलिसांकडे (Railway Police) तक्रार नोंदवली आहे. त्यानंतर बोरीवली रेल्वे पोलिसांनी आरोपीचा शोध घेण्यासाठी चार पथक बनवले आहेत. सीसीटीव्ही फुटेजच्या आधारे आरोपीचा शोध सुरु आहे. (woman molested in jogeshwari railway station)

बोरीवली रेल्वे स्थानकात काही दिवसांपूर्वी ट्रेनमध्ये प्रवास करताना एका व्यक्तीने विनयभंग केला होता. ही घटान ताजी असतानाच आता पुन्हा एकदा जोगेश्वरी रेल्वे स्थानकात अशीच धक्कादायक घटना घडल्यानं खळबळ उडाली आहे. जोगेश्वरी रेल्वे स्थानकात घडलेल्या घटनेबाबत रेल्वे पोलिसांनी दिलेली माहिती अशी की, आरोपी रेल्वे स्टेशनवर त्याचे कपडे काढून अर्धनग्न अवस्थेत फिरत असल्याचे सीसीटीव्हीच्या माध्यमातून समोर आलं आहे.

हा आरोपी मनोरुग्ण असल्याची प्राथमिक माहिती आहे. त्याला अटक केल्यानंतर या घटनेबाबत अधिक माहिती मिळेल. भविष्यात महिला बोगीत पुरुषाने प्रवेश केल्यास १५१२ या नंबरवर कॉल करून पोलिसांना माहिती द्यावी, असं आवाहन रेल्वे पोलिसांकडून करण्यात आलं आहे.

Edited By - Naresh Shende