Sanjay Raut Latest News : शिवसेना (Shivsena) खासदार संजय राऊत यांना तब्बल १०३ दिवसानंतर जामीन मिळाला. मात्र, पीएमएलए न्यायालयाने बुधवारी राऊत यांचा जामीन मंजूर केला. दरम्यान, संजय राऊतांना जामीन मिळातच, ईडीने मुंबई हायकोर्टात धाव घेतली. मात्र, वेळेअभावी हायकोर्टात सुनावणी झाली नाही. आज ईडीने दाखल केलेल्या याचिकेवर हायकोर्टात सुनावणी होणार असून या सुनावणीकडे शिवसैनिकांचं लक्ष लागून आहे.

संजय राऊत (Sanjay Raut) यांचा जामीन रद्द व्हावा अशा आशयाची याचिका ईडीने मुंबई उच्च न्यायालयात दाखल केली आहे. या याचिकेवर आज सुनावणी होणार आहे. पत्राचाळ प्रकरणात संजय राऊत यांना केलेली अटक ही बेकायदेशीर असल्याचं म्हणत कोर्टाने ईडीच्या तपासावर प्रश्न उपस्थित केले

दिवाणी खटल्यासाठी ईडीने पीएमएलए कायदा लागू केला असल्याचे ताशेरे कोर्टाने ओढले आहेत. या प्रकरणात राकेश आणि सारंग वाधवान मुख्य आरोपी असताना त्यांना अटक करण्याऐवजी संजय राऊत आणि प्रविण राऊत यांना अटक करण्यात आली. यात ईडीच्या बाजूने आरोपी पिक अँड चूज केल्याचं दिसतंय, असं म्हणत कोर्टाने ईडीला खडेबोल सुनावले होते.

दरम्यान, या निकालाला हायकोर्टात आव्हान देण्याकरीता आम्हाला संधी मिळायला हवी, असा युक्तिवाद ईडीच्या वकीलांकडून करण्यात आला आहे. त्यामुळे आता ईडीच्या युक्तीवादावर उच्च न्यायालय काय निर्णय देणार हे पाहणे महत्त्वाचे ठरणार आहे.

सध्याच्या कसोटीच्या काळात संजय राऊत यांना जामीन मिळणे हा ठाकरे गटासाठी मोठा दिलासा मानला जात आहे. गेल्या १०० दिवसांपासून संजय राऊत पत्राचाळ घोटाळा प्रकरणात तुरुंगात होते. गेल्या अनेक दिवसांपासून त्यांच्याकडून जामिनासाठी प्रयत्न सुरु होते. मात्र, आतापर्यंत पीएमएलए कोर्टाने त्यांना दिलासा दिलेला नव्हता.

Edited By - Satish Daud