Western Railway Palghar Station : मुंबईकरांसाठी मोठी बातमी समोर आली आहे. मुंबईची लाइफलाईन म्हणजेच लोकलसेवा विस्कळीत झाली आहे. पश्चिम रेल्वेची वाहतूक विस्कळीत झाल्याचे समोर आले आहे. मुंबईकडे येणाऱ्या प्रवाशांना मोठा मनस्ताप सहन करावा लागत आहे. पालघर स्थानकावर गर्दी झाली आहे.

पालघरच्या केळवे रोड स्थानकाजवळ मालगाडीचं इंजिन फेल झाल्याने पश्चिम रेल्वेची वाहतूक विस्कळीत झाली आहे. मुंबईच्या दिशेने येणाऱ्या गाड्या वीस ते पंचवीस मिनिट उशिराने धावत आहेत. तर. वंदे भारत एक्सप्रेस देखील पालघर रेल्वे स्थानकावर रखडली आहे. मुंबईच्या दिशेने येणाऱ्या अनेक लांब पल्ल्याच्या गाड्या देखील अडकल्या आहेत.