Maharashtra Rain Updates: सध्या राज्यातील विविध भागात मुसळधार पाऊस सुरू आहे. मुंबईसह उपनगर, ठाणे, नवी मुंबई परिसरात पावसानं जोरदार हजेरी लावली आहे. याशिवाय कोकण, मध्य महाराष्ट्र, विदर्भ आणि मराठवाड्यातील बहुतांश जिल्ह्यात पावसाने हजेरी लावली आहे. अशातच येत्या २४ तासांत राज्यात पावसाचा जोर (Weather Updates)  वाढणार असा इशारा हवामान विभागाने दिला आहे.

हवामान विभागाने कोकणाला रेड अलर्ट जारी केला असून काही भागात पावसाचा ऑरेंज आणि यलो अलर्टही जारी करण्यात आला आहे. गेल्या दोन दिवसांपासून राज्यात पावसाचे कमबॅक झालं आहे. त्यामुळं शेतकऱ्यांना दिलासा मिळत असून यंदा काही अंशी दुबार पेरणीचे संकट टळले आहे.

या जिल्ह्यांना मुसळधार पावसाचा इशारा

हवामान खात्याने आज कोकणासह पश्चिम महाराष्ट्रात मुसळधार पावसाची (Heavy Rain) शक्यता वर्तवली आहे. कोकणाला रेड अलर्ट जारी करण्यात आला आहे. तर सिंधुदुर्गमध्ये पावसाचा यलो अलर्ट जारी करण्यात आला आहे.

राज्यात पावसाचा जोर वाढणार

याशिवाय पालघर, पश्चिम महाराष्ट्रातील पुणे आणि कोल्हापूर विदर्भातील गोंदिया, गडचिरोली आणि चंद्रपूर या जिल्ह्यांना यलो अलर्ट जारी करण्यात आला आहे. तसेच सातारा आणि ठाणे जिल्ह्यातही पावसाचा ऑरेंज अलर्ट (Orange Alert) जारी करण्यात आला आहे.

येत्या २४ तासांत मुंबईसह उपनगरात पावसाचा जोर वाढण्याची शक्यता आहे. त्यामुळे नागरिकांनी घराबाहेर पडताना काळजी घ्यावी, असं आवाहन महापालिकेकडून करण्यात आलं आहे. वीज कोसळण्याची भिती असल्याने झाडाखाली उभे राहू नका, असं देखील सांगण्यात आलं आहे.

Edited by - Satish Daud