- सिद्धेश म्हात्रे

Cidco Bhavan : नवी मुंबई आंतरराष्ट्रीय विमानतळाला (navi mumbai international airport) लागून असलेल्या करंजाडे नोड मध्ये ऐन पावसाळ्यात पाणी प्रश्न गंभीर झाला आहे. पाणी पूरवठा याेग्य पद्धतीने हाेत नसल्याने करंजाडे येथील नागरिक आक्रमक झाले आहेत.(Maharashtra News)

अनियमित आणि कमी दाबाने होणाऱ्या पाणी पुरवठा हाेत असल्याने करंजाडे वासियांनी महाविकास आघाडीच्या नेतृत्वाखाली सिडकोवर जल आक्रोश मोर्चा (jal aakrosh morcha) काढला. डोक्यावर मटके घेत यावेळी महिलांनी सिडको प्रशासनाचा निषेध व्यक्त केला.

यापुर्वी देखील करंजाडे वासियांनी सुरळीत पाणी पुरवठ्याची मागणी केली हाेती. परंतु त्यास याेग्य प्रतिसाद मिळाला नसल्याने नागरिक आता आक्रमक झाल्याचे पाहायला मिळाले. दरम्यान पुढील आठ दिवसात नियमित पाणी पुरवठा करण्याचे आश्वासन सिडकोतर्फे आंदाेलकांना देण्यात आले आहे.

Edited By : Siddharth Latkar