उल्हासनगर - उल्हासनगरात (Ulhasnagar) गर्लफ्रेंड कुणाची? यावरून दोन गटात तुंबळ हाणामारी झाली. भररस्त्यात झालेल्या या फ्रीस्टाईल हाणामारीचा व्हिडीओ समोर व्हायरल होत आहे. याप्रकरणात हिललाईन पोलीस (Police) ठाण्यात गुन्हे दाखल करण्यात आलेत. उल्हासनगरमध्ये राहणाऱ्या भानू कोरी या तरुणाचे एका तरुणीसोबत प्रेमसंबंध होते.

मात्र गेल्या काही दिवसांपासून ती त्याला सोडून शाकिब खान नावाच्या तरुणाच्या प्रेमात पडली होती. याच कारणावरून भानू कोरी याने शाकिबला फोन करून सोक्षमोक्ष लावण्याचा निर्णय घेतला. त्यानुसार शनिवारी १६ एप्रिल रोजी भानू हा त्याचे मित्र सोनू सोनकर आणि मुकेश यादव यांना घेऊन शाकिबला भेटण्यासाठी नेताजी चौक परिसरात गेला.

हे देखील पहा -

मात्र शाकिबला काहीतरी चुकीचे घडणार असल्याची कुणकुण लागल्याने त्याने देखील आधीच त्याच्या तीन मित्रांना तिथे बोलावून घेतले होते. तिथे गेल्यानंतर या दोन गटांमध्ये तुंबळ हाणामारी झाली. भररस्त्यात सुरू असलेली ही फ्रीस्टाईल हाणामारीची घटना मोबाईल कॅमेरात कैद झाली आहे.

या हाणामारीत दोन्ही गटातले तरुण जखमी झाल्याने त्यांना रुग्णालयात दाखल करण्यात आले आहे. याप्रकरणी हिललाईन पोलीस ठाण्यात मारहाणीचे गुन्हे दाखल करण्यात आले असून दोन जणांना अटक करण्यात आल्याची माहिती वरिष्ठ पोलीस निरीक्षक लक्ष्मण सारीपुत्र यांनी दिली आहे.

Edited By - Shivani Tichkule