मुंबई: शिवसेनेचे ज्येष्ठ नेते एकनाथ शिंदे (Eknath Shinde) यांच्यासह ४० आमदारांनी बंड केल्यानंतर राज्यातील महाविकास आघाडीचे सरकार कोसळले. माजी मुख्यमंत्री उद्धव ठाकरे यांनी मुख्यमंत्रीपदाचा राजीनामा देत त्यांनी वर्षा निवासस्थान सोडले होते. शिंदे-फडणवीस सरकारचे पहिलेच पावसाळी अधिवेशन सुरू झाले आहे. आज अधिवेशनाचा चौथा दिवस झाला. आजचा दिवसही वादळी ठरला. शिवसेनेच्या विधिमंडळ पक्ष कार्यालयात महाविकास आघाडीच्या आमदारांची बैठक होत आहे. आज पक्ष प्रमुख उद्धव ठाकरे या बैठकीसाठी दाखल झाले आहेत.

दरम्यान, आज विधिमंडळ पक्ष कार्यालयात महाविकास आघाडीच्या आमदारांची बैठक सुरू झाली आहे. पावसाळी अधिवेशनात उद्धव ठाकरे (Uddhav Thackeray) पहिल्यांदाच पक्ष कार्यालयात आले आहेत. काल सेना आमदारांची मातोश्रीवर बैठक घेण्यात आली. त्यात अधिवेशनात आक्रमक होण्याच्या सूचना आमदारांना उद्धव ठाकरे यांनी दिल्या आहेत.

आज महाविकास आघाडीची एकत्रित बैठक होत असताना अधिवेशन, राज्यातील वेगवेगळे विषयांवर महाविकास आघाडीची रणनीती आखण्यात येणार असल्याचे बोलले जात आहे.

शिवसेना प्रमुख उद्धव ठाकरे (Uddhav Thackeray) मुख्यमंत्रीपदाचा राजीनामा दिल्यानंतर पहिल्यांदाच विधान भवनात आले आहेत. उद्धव ठाकरे आताप पुन्हा ‘अ‍ॅक्शन’ मोडमध्ये आले आहेत. गणेशोत्सवानंतर शिवसेनेचा राज्यभर दौरा सुरू करण्यात येणार आहे. बंडखोर आमदारांच्या मतदार संघात शिवसेना जाहीर सभा घेणार असल्याचे बोलले जात आहे.