Uddhav Thackeray Latest News: मुंबईच्या बीकेसी मैदानावर आज महाविकास आघाडीची वज्रमूठ सभेत माजी मुख्यमंत्री उद्धव ठाकरे यांनी सत्ताधारी आणि राणे कुटुंबीयावर जोरदार टीकास्त्र सोडलं.

'पंतप्रधान नरेंद्र मोदी यांना शिव्या दिल्याचं समर्थन करत नाही. मग तुमचे टीनपाट मला,आदित्य आणि कुटुंबाला शिव्या देतात, तेव्हा का बोलत नाही. तुमच्या टीनपाटावर बूच घाला. तुमची लोक वाटेल ते बोलणार, मग आमची लोक पण बोलणार, असा इशारा उद्धव ठाकरे यांनी दिला. (Latest Marathi News)

मुंबईच्या बीकेसी मैदानावर आज महाविकास आघाडीची वज्रमूठ सभा होत आहे. या सभेत उद्धव ठाकरे यांनी जोरदार भाषण केलं. यावेळी शिवसेना ठाकरे गटाचे प्रमुख उद्धव ठाकरे, आदित्य ठाकरे, राष्ट्रवादी काँग्रेसचे नेते अजित पवार, जयंत पाटील, महाराष्ट्र काँग्रेसचे अध्यक्ष नाना पटोले, बाळासाहेब थोरात, आदी नेत्यांची प्रमुख उपस्थिती होती.

महाविकास आघाडीच्या वज्रमूठ सभेत उपस्थितांना संबोधित करताना उद्धव ठाकरे म्हणाले, ' कर्नाटन निवडणुकीच्या सभेत पंतप्रधान नरेंद्र मोदी म्हणाले होते की, मला ९१ वेळा शिव्या दिल्या'. मी शिव्या देण्याचे समर्थन करत नाही. मी तुमची टीनपाटे मला, आदित्य, कुटुंबाला शिव्या देतात, त्यांना का बोलत नाही. संजय राऊतही त्या भाषेत बोलत नाही. आम्ही मान ठेवतो'.

'टीनपाटांवर बूच घाला, तुमची लोक वाटेल ते बोलणार, मग आमची लोक पण बोलणार. रोज काहीही बोलणार आम्ही ऐकून घेणार नाही, असा इशाराही उद्धव ठाकरे यांनी दिला.

'मी सहा तारखेला बारसूमध्ये जाणार आहे. संध्याकाळी मग महाड सभेला जाणार आहे. माझ्या नावाने पत्र दाखवत आहेत. मी जागा सुचवली होती. त्यात रिफायनरीत पोलीस घुसवा लिहिले होते का? असा सवाल बारसू प्रकल्पावर उद्धव ठाकरे यांनी केला.

शिंदे गटावर टीका करताना उद्धव ठाकरे म्हणाले, ' शरद पवारांच्या अमलाखाली गेलो अशी टीका होत होती. आज उदय सामंत हे शरद पवार यांना भेटून आले. तुम्ही केले तर चालते, आम्ही केलं तर चुकले. मला बाळासाहेब शिकवतात, हे शरद पवारांकडे सल्ला घ्यायला जातात'.