दिलीप कांबळे

लोणावळा : लोणावळ्यात फिरायला आलेल्या तरुणांपैकी दोन जणांचा आज खाणीत पोहताना बुडून मृत्यू झाला आहे. निगडी रुपीनगर भागातील हे तरुण आहेत. आकाश गुरव व वीरेंद्र त्रिपाठी अशी या खाणीत बुडून मृत्यू झालेल्यांची नावे आहेत. लोणावळा ग्रामीण पोलिसांनी दिलेल्या माहितीनुसार आकाश गुरव याचा आज वाढदिवस होता. Two youths drowned in a mine while swimming in Lonavla

वाढदिवस साजरा करण्यासाठी करण्यासाठी आकाश आणि त्याचे इतर चार मित्र त्यांच्या तीन मोटरसायकलवरून लोणावळ्यात आले होते. सायंकाळी साडेचारच्या दरम्यान ते सर्व लोणावळ्याजवळील कुसगाव बुद्रुक येथील सिंहगड कॉलेज समोर असलेल्या एका दगडाच्या खाणी कडे गेले होते. त्याठिकाणी गेल्यावर आकाश सोबत आलेले त्याचे मित्र पोहण्यासाठी पाण्यात उतरले होते.

यावेळी आकाश आणि विरेंद्रही पोहण्यासाठी उतरला होता. त्यांना पोहता येत नसल्याने त्यांच्या मित्रांनी त्यांना खोल पाण्यात उतरू नका असे सांगूनही त्यांनी त्यांचे ऐकले नाही. आणि ते खोल पाण्यात गेले असता पोहता येत नसल्याने पाण्यात बुडून त्यांचा मृत्यू झाला आहे. युवकांनी अतिउत्साहीपणा दाखवून अश्या पद्धतीने मृत्यू ओढावून घेणे दुर्दैवी आहे.

Edited By : Krushnarav Sathe