मावळ : मावळ (maval) मधील वडेस्वर येथील शेतक-याच्या (farmer) घराचे दरवाजे बंद करून दहा ते बारा जणांनी दगडफेक करत धारदार शस्त्रांचा धाक दाखवून शेतक-याने तीस वर्षापासून स्वत:च्या मुलाप्रमाणे जपलेल्या चंदनाचे झाड तोडून चोरून नेल्याची घटना आंदरमावळातील वडेश्वर येथे घडली. महेश शिंगारे असे त्या शेतकऱ्याचे नाव आहे सुरेश शिंगारे आणि त्यांचे वडील या दगडफेकीत जखमी (injured) झाले आहेत. या बाबत वडगाव पोलिस (police) ठाण्यात त्यांनी तक्रार नाेंदवली आहे. (maval latest marathi news)

याबाबत मिळालेली माहिती अशी : मावळातील वडेश्वर ठोकळवाडी येथील धरणाजवळ शिंगारे राहतात. तीस वर्षांपूर्वी घरासमोर चंदनाचे रोपटे लावले होते. त्याला जीवापाड सांभाळत ते मोठे केले. रात्री दोनच्या सुमारास दहा ते बारा जणांच्या टोळके त्या ठिकाणी आली. त्यांनी शिंगारे यांच्या घराबाहेर लागलेल्या मोटारसायकलचा प्लग वायरी व टेम्पोची बॅटरी काढली. त्यानंतर कटरच्या साह्याने झाड तोडण्यास सुरवात केली.

दरम्यान माेठा आवाज आल्यावर शिंगारे ओरडले व सर्वांना जागं करण्याचे प्रयत्न केला. ताेपर्यंत समाेरुन दगडफेक सुरू झाली. प्रतिकार करण्यासाठी जात असताना दोघांना दगडं लागली. त्यामुळे पुन्हा दाेघे भीतीने घरात गेले. चोरट्यांनी दरवाजा बंद करून धाक दाखवून झाड मुळापासून तोडून नेले. वडगाव पोलिसांनी अज्ञात विरूध्द गुन्हा दाखल केला आहे.

Edited By : Siddharth Latkar