• पुण्यात भीषण अपघाताची घटना घडली

• पुणे-नाशिक महामार्गावर तीन वाहनांचा भीषण अपघात झाला

• नारायणगावजवळ आयटी इंजिनिअरचा अपघातात मृत्यू

• मुसळधार पावसामुळे महामार्गावर विचित्र अपघात

रोहिदास गाडगे, पुणे

पुण्यामध्ये ३ वाहनांचा विचित्र अपघात झाला. पुणे -नाशिक महामार्गावर ही भीषण अपघाताची घटना घडली. या अपघातामध्ये आयटी इंजिनिअरचा जागीच मृत्यू झाला. तर सात जण गंभीर जखमी झाले आहेत. जखमींमधील ५ जण एकाच कुटुंबातील आहेत. पुणे -नाशिक महामार्गावर नारायणगावजवळ ही घटना घडली. मुसळधार पावसामुळे हा अपघात झाला. हा अपघात इतका भीषण होता की यामध्ये तिन्ही वाहनांचे मोठे नुकसान झाले आहे.

मिळालेल्या माहितीनुसार, मुसळधार पावसामुळे नारायणगावजवळ पुणे नाशिक महामार्गावर भीषण अपघात झाला. तीन वाहनं एकमेकांवर जोरदार आदळली. ही धडक इतकी भीषण होती अपघातामध्ये तिन्ही वाहनांचा चक्काचूर झाला आहे. या अपघातामुळे महामार्गावर मोठी वाहतूक कोंडी झाली होती. घटनेची माहिती मिळताच पोलिसांनी घटनास्थळी धाव घेत तपास सुरू केला.

अपघात इतका भीषण होता की, यामध्ये आयटी इंजिनिअर संजय खंडाळगे यांचा जागीच मृत्यू झाला. तर एकाच कुटुंबातील पाच जण गंभीर जखमी झाले. अपघातानंतर स्थानिक नागरिकांनी तत्काळ घटनास्थळी धाव घेत बचावकार्य सुरू केले. पोलिसांच्या मदतीने जखमींना वाहनांतून बाहेर काढून रुग्णालयात रवाना करण्यात आले. या अपघातामुळे काही काळ पुणे–नाशिक महामार्गावरील वाहतूक विस्कळीत झाली होती.

अपघातामधील पाचही जखमींवर खासगी रुग्णालयात उपचार सुरू आहेत. जखमींची प्रकृती चिंताजनक आहे. या अपघातानंतर वाहतूक पोलिसांनी तिन्ही वाहनं महामार्गावरून बाजूला करत वाहतूक सुरळीत करण्यात आली. हा अपघात नेमका कसा झाला यामागचे कारण समोर आले नाही. पोलिस सध्या या अपघाताचा तपास करत आहेत.