ठाणेकरांसाठी मोठी बातमी समोर आली आहे. ठाण्यातील घोडबंदर रोडवर दररोज प्रवास करणाऱ्या प्रवाशांना नेहमीच वाहतूक कोंडीचा सामना करावा लागतो. या रस्त्याचे काम पूर्ण करण्याचे तसेच वाहतूक कोंडी फोडण्याचे आश्वासन यापूर्वीही अनेकांनी दिली. मात्र प्रत्यक्षात या रस्त्यावरील वाहतूक कोंडी जैसे थे च आहे. दरम्यान पुढील तीन दिवसांसाठी घोडबंदर रोडवरील वाहतुकीत बदल करण्यात आले आहेत. घोडबंदर रोडवर पुढील ३ दिवस जड-अवजड वाहनासाठी वाहतूक बंद करण्यात आली आहे.

वाहतुकीच्या दृष्टीने महत्त्वाचा समजला जाणारा घोडबंदर रोड दुरुस्तीच्या कामांसाठी अवजड वाहनांना बंदी घालण्यात आली असल्याचं वाहतूक पोलिसांनी सांगितलं आहे. घोडबंदर रोडवर पुढील ३ दिवस जड-अवजड वाहनासाठी वाहतूक बंद करण्यात आली आहे. रस्त्याच्या दुरुस्तीच्या कामासाठी घोडबंदर रोडवरील गायमुख जंक्शन ते मुख्य नीरा केंद्रापर्यंत ठाण्याच्या दिशेने या मार्गावर रस्त्याच्या दुरुस्तीचं काम हाती घेण्यात येणार आहे.

त्यामुळे १२,१३,१४ डिसेंबर या दिवसात अवजड वाहनासाठी वाहतूक बंद असणार आहे.याकाळात प्रवाशांची गैरसोय होऊ नये म्हणून पर्यायी मार्गाचा वापर वाहतूक विभागाकडून करण्याचे आव्हान करण्यात आले आहे. माजिवडा (Y जंक्शन) मार्गे खारेगाव मार्गे पुढे जाता येईल किंवा कापूरबावडी जंक्शन मार्गे भिवंडीच्या दिशेने पुढे जाता येईल.

या मार्गाचा वापर करून वाहन चालकांना आपल्या इच्छित स्थळी जाता येईल. घोडबंदर रोडवर वाहतूक कोंडी दिवसागणिक वाढतच आहे. या घोडबंदर रोड वर राहणाऱ्या नागरिकांनी यासाठी जन आंदोलन देखील उभारले होते. मात्र अद्यापही रस्त्याची परिस्थिती जशीच्या तशीच असल्याचे पाहायला मिळते.