पुणे : प्रस्थापितांचे बोलघेवडे गृहनिर्माण मंत्री जितेंद्र आव्हाड (Jitendra Awhad) खात्याचा दर आठवडायाला एक्सेल शीटमध्ये न चुकता हिशोब घेतात. पण बहुजन पोरांच्या भविष्याशी (future) निगडीत असलेल्या म्हाडा नोकरी बाबत लक्ष देण्यासाठी त्यांना वेळ नाही. ते स्वतःच मागील आठवड्याभरापासून म्हाडाचे (MHADA) नोकर भरती परिक्षामध्ये घोटाळे होणार आहेत, त्यात बळी पडू नये, म्हणून प्रसारमाध्यातून आवाहन करत होते.

पहा व्हिडिओ-

घोटाळ्याची पूर्व कल्पना होती आणि गृहखातेही राष्ट्रवादीकडे (NCP) असतानासुद्धा त्यांना मध्यरात्री दीड वाजता परिक्षा (Exam) रद्द का करावी लागली आहे.यावरून सिद्ध होते, की प्रस्थापितांच्या सरकारला (government) फक्त आणि फक्त टक्केवारी गोळा करण्यात रस आहे. एक- एक पै गोळा करून परिक्षेसाठी पोहचलेल्या बहुजन पोरांविषयी, नोकरी अभावी आत्महत्या करणाऱ्या बहुजन पोरांविषयी त्यांना काहीही देणं- घेणं नाही.

म्हाडाच्या परीक्षा पुढे ढकलण्यात आल्या आहेत अशी माहिती गृहनिर्माण मंत्री जितेंद्र आव्हाड यांनी दिली आहे. म्हाडाच्या व इतर परीक्षा काही अपरिहार्य आणि तांत्रिक अडचणींमुळे पुढे ढकलण्यात आल्या असून या परीक्षा आता जानेवारीमध्ये होणार आहेत. विद्यार्थ्यांना परीक्षेसाठी जानेवारीपर्यंत वाट पहावी लागणार आहे.

परीक्षा रद्द झाल्यामुळे विद्यार्थ्यांची जी गैरसोय होणार आहे, त्याबद्दल मी क्षमा मागतो. म्हाडाच्या परीक्षा पुढे ढकलण्यात आल्या आहेत विद्यार्थ्यांनी याची नोंद घ्यावी. विद्यार्थ्याने परीक्षा सेंटरवर जाऊ नये, असे जितेंद्र आव्हाड विद्यार्थ्यांना आवाहन केले आहे.

Edited By- Digambar Jadhav