प्रदीप भणगे

कल्याण :  कल्याण डोंबिवली मध्ये गेल्या काही दिवसांपासून मेडिकलमधील साहित्य चोरीच्या घटना वाढल्या आहेत. तर कल्याण Kalyan ग्रामीण मधील द्वारली गावात एका दुकानातील सहा लिटर तेल घेऊन चोरटा पसार झाला. तेल चोरीची ही घटना सीसीटीव्ही CCTV मध्ये देखील कैद झाली आहे.

हे देखील पहा-

द्वारली गावातील मनोज फुलोरे यांच्या दुकानात एक ग्राहक (चोरटा) रविवारी तेल आणि तांदूळ घेण्यासाठी आला होता. गाडीला नंबर प्लेट नसलेला हा चोरटा फुलोरे यांच्याकडे सहा लिटर तेल मागितले. ते गाडीच्या डिकीत ठेवायला गेला त्यानंतर त्याने दुकानदाराकडे पाच किलो तांदूळ मागितले.

दुकानदार  तांदूळ भरायला लागला असताना या चोरट्याने सहा लिटर तेल घेऊन पोबारा झाला. हा संपूर्ण प्रकार सीसीटीव्ही मध्ये देखील काय झाला आहे. त्यामुळे या चोरट्याचे मुसक्या आवळण्याचे आवाहन आता हिललाईन पोलिसांसमोर उभे ठाकणार आहे. दरम्यान, जरी माझं 900 रुपयांचे नुकसान झाले असले तरी इतर दुकानदारांचे नुकसान होऊ नये यासाठी या चोरट्याला तातडीने पकडावे अशी मागणी दुकानदार मनोज फुलोरे यांनी केली आहे.

Edited By-Sanika Gade