पुणे: लग्न जुळत नसल्याने हायटेन्शन टॉवरवर मद्यपी तरुण चढल्याची घटना आळंदीत परिसरात घडली आहे. तब्बल १० तासांनी त्याला खाली उतरविण्यात आळंदी पोलीस, अग्निशमन दलाला यश आले आहे. किशोर दगडोबा पैठणे (वय-30) असे या तरुणाचे नाव आहे. ही घटना आळंदीतील (Alandi) केळगाव येथे घडली आहे. लहान मुलाच लग्न (married) जुळले असून मोठा मुलगा म्हणजेच किशोर मद्यपान करतो, बऱ्याचदा तो घरी येत नसल्याने त्याचा विवाह जुळत नाही, असे त्याच्या आईने पोलिसांना (police) सांगितले आहे.

पहा व्हिडिओ-

तब्बल १० तास या घटनेचे थरारनाट्य सुरू होते. किशोर का मानसिक तणावात आहे, असे पोलिसांकडून सांगण्यात आले आहे. दीडशे फूट उंच टॉवरवर या दारूड्याचे १० तासांचा ड्रामा सुरु होता. दारूच्या नशेत तरुण महावितरणच्या दीडशे फूट उंच टॉवरवर चढला होता. आळंदी पोलीस, महावितरण आणि पिंपरी चिंचवड अग्निशामक दलाच्या प्रयत्नानंतर तब्बल दहा तासांनी त्याची सुखरुप सुटका केली. ही घटना आळंदी जवळील केळगाव मध्ये घडली.

किशोर पैठणे,असे सुटका करण्यात आलेल्या तरुणाचे नाव आहे. महावितरणच्या 150 फूट उंच टॉवरवर चढला. आळंदी खबरदारीचा उपाय म्हणून याठिकाणचा वीज पुरवठा खंडीत करण्यात आला. त्या तरुणाला वारंवार विनंती केल्यावरही तो खाली उतरत नव्हता. अखेर आज सकाळी पिंपरी चिंचवड च्या अग्निशमन दलाचे जवान तिथं पोहचले आणि त्याला खाली काढले.

Edited By- Digambar Jadhav