कल्याण : कल्याण पूर्वमधील भारतरत्न डॉ. बाबासाहेब आंबेडकर यांच्या भव्य स्मारकाचे भूमिपूजन मंगळवारी नगरविकास मंत्री एकनाथ शिंदे यांच्या हस्ते होणार असून या जागेची पाहणी खासदार श्रीकांत शिंदे (Shrikant Shinde) यांनी आज केली. यावेळी खासदार शिंदे यांनी राष्ट्रवादी काँग्रेसचे अध्यक्ष शरद पवार (Sharad Pawar) यांच्या घरावर झालेल्या हल्ल्याविरोधात नाराजी व्यक्त केली आणि सांगितले की राज्यात सुरू असलेल द्वेषाचे राजकारण थांबले पाहिजे.

हे देखील पहा :

तर दुसरीकडे टपाल कार्यालयांना कनेक्टिव्हीटी करण्यासाठी इंटरनेट (Internet) सेवा पुरविणाऱ्या कंपन्यांबरोबर इतर कंपन्यांची सेवा घेण्याचीही मुभा या कार्यालयांना द्यावी नाहीतर प्रायव्हेट सेवा पोस्ट ऑफिस मध्ये सुरू करावे अशी मागणी शिवसेनेचे खासदार डॉ. श्रीकांत शिंदे यांनी केली. दरम्यान, भारतरत्न डॉ. बाबासाहेब आंबेडकर (Dr Babasaheb Ambedkar) यांचे कल्याण पूर्वेतील प्रभाग समिती 'ड' कार्यालयाच्या आवारात भव्य स्मारक उभारले जाते आहे. त्याचा भूमीपूजन सोहळा मंगळवार १२ एप्रिल रोजी होणार आहे.

खासदार शिंदे यांच्या प्रयत्नाने स्मारकासाठी आवश्यक जागेचे खुप कमी वेळेत आरक्षण बदलण्यात आले होते. तर नगरविकास विभागाच्या माध्यमातून निधीही दिला आहे. नगरविकास मंत्री एकनाथ शिंदे (Eknath Shinde) यांच्या हस्ते या स्मारकाचे भूमिपूजन मंगळवारी होणार असून आज सायंकाळी खासदार शिंदे यांनी स्मारकाच्या जागेची पाहणी केली. यावेळी रिपाई नेते अण्णा राेकडे, देवचंद अंबादे, शिवसेनेचे माजी नगरसेवक निलेश शिंदे, महेश गायकवाड, आदी उपस्थित हाेते.

Edited By : Krushnarav Sathe