मुंबई : वडाळा रेल्वे स्थानकावर (Wadala Railway Station) चालती ट्रेन पकडताना प्रवाश्याचा तोल जाऊन प्रवासी रेल्वे स्थानकावर पडला, यावेळी शेजारीच उभे असलेल्या RPF कॉन्स्टेबल नेत्रपाल सिंह यांनी प्रसंगावधान राखत वेळीच या प्रवाश्याला फलाटावर दूर खेचलं आणि त्याचे प्राण वाचवले आहेत.

मुंबईमध्ये लोकल असो वा मध्य रेल्वे (Train) प्रवास करत असताना फलाटावरती प्रवाशांचा अनेकवेळा तोल जातो. त्याचे व्हिडीओ (Video) देखील समोर आले आहेत. असाच आज एक प्रकार समोर आला आहे, रेल्वेमध्ये चढत असताना खाली घसरून पडलेल्या प्रवाशाला RPF कॉन्स्टेबल नेत्रपाल सिंह यांनी प्रसंगावधान राखत वेळीच या प्रवाश्याला फलाटावर दूर खेचल्याने त्यांचे प्राण वाचले आहेत.

पहा व्हिडीओ -

प्रवाशाला RPF कॉन्स्टेबल नेत्रपाल सिंह यांच सर्व स्तरातून कौतुक केलं जात असून ते या प्रवाशासाठी देवदूत बनून आल्याचं बोलल जात आहे. दरम्यान प्रवाशांनी चालत्या ट्रेनमध्ये चढू नका असं आवाहन रेल्वे प्रशासनाकडून सतत करण्यात येत आहे.

Edited By - Jagdish Patil