Pune Accident : पुण्यात अपघातच सत्र काही थांबायचं नाव घेत नाही आहे. रविवारी भरधाव टँकरने ४८ वाहनांना धडक दिल्याची घटना ताजी असतानाच मध्यरात्री त्याच परिसरात आणखी दोन अपघात झाले. पुण्यात (Pune Accident) रात्रभरात एकूण ३ अपघात झाले आहे. 

ब्रेक निकामी झालेल्या भरधाव टँकरने ४८ वाहनांना धडक दिल्याची घटना ताजी असतानाच मध्यरात्री आणखी दोन अपघात झाले. यात सुमारे 25 ते 26 गाड्या एकमेकावर आदळल्या आणि सुमारे ६ ते १० जण जखमी झाले आहेत. जवळच्या खासगी रुग्णालयात उपचार सुरू आहेत. अपघातानंतर कंटेनरमधील ऑईल रस्त्यावर सांडल्याने वाहनांच्या लांबच लांब रांगा लागल्या होत्या. पोलिसांनी तातडीने घटनास्थळी धाव घेत जखमींना रुग्णालयात दाखल केलं. 

नवले ब्रिजच्या भीषण अपघातानंतर स्वामी नारायण मंदिराजवळ दुसरा भीषण अपघात झाला. या अपघातात सात गाड्यांना टेम्पोने उडवले. सुदैवाने यात कोणतीही जीवित हानी झाली नाही. तर कात्रज रस्त्यावर दुचाकीचा तिसरा भीषण अपघात झाला. या अपघातात दुचाकीस्वार तरुणाचा जागीच मृत्यू झाला आहे.

नवल ब्रिज अपघातात जखमी झालेल्याची नावे

1) राहुल भाऊराव जाधव

2) शुभम विलास डांबळे

3) तुषार बाळासाहेब जाधव

4)आनंद गोपाळ चव्हाण

5) राजेंद्र देवराम दाभाडे

6) साहू जुनेल

7) ऑस्कर लोबो

8) मधुरा संतोष कारखानीस

9)चित्रांक संतोष कारखानीस

10) तनीषा संतोष कारखानीस

11)विदुला राहुल उतेकर

12) अनघा अजित पभुले

13)अनिता अरुण चौधरी