आज ठाणे महापालिकेच्या वतीने ३१ वी वर्षा मॅरेथॉन भव्यदिव्य उत्साहात आयोजित करण्यात आली. उपमुख्यमंत्री एकनाथ शिंदे यांच्या हस्ते या मॅरेथॉनला जल्लोषात सुरुवात झाली. शिंदेंच्या हस्ते २१ किमी अंतराच्या मॅरेथॉनला फ्लॅग ऑफ देण्यात आला. या स्पर्धेत शहरातील तसेच परिसरातील अनेक धावपटूंनी उत्साहाने सहभाग घेतला. विशेष म्हणजे, उपमुख्यमंत्री शिंदे यांनी स्वतःही या मॅरेथॉनमध्ये धाव घेतली. त्यांच्या धावतानाचा व्हिडिओ सध्या सोशल मीडियावर जोरदार व्हायरल होत आहे.

आज ठाणेकरांनी वर्षा मॅरेथॉनला उत्स्फूर्त प्रतिसाद दर्शवला. या मॅरेथॉनची सुरूवात एकनाथ शिंदे यांच्या हस्ते जल्लोषात सुरूवात झाली. मॅरेथॉनच्या उद्घाटनप्रसंगी उपमुख्यमंत्री एकनाथ शिंदे यांच्यासह ठाण्याचे खासदार नरेश म्हस्के आणि ठाणे महापालिकेचे आयुक्तही उपस्थित होते. यावेळी अनेक धावपटूंनी सहभाग घेतला. यावेळी एकनाथ शिंदेंनीही सहभाग घेतला होता.

त्यांचा धावत असतानाचा व्हिडिओ सध्या सोशल मीडियात व्हायरल होत आहे. त्यांनी उद्घाटनप्रसंगी लांब धाव घेतली. या मॅरेथॉनआधी बोलताना उपमुख्यमंत्री एकनाथ शिंदे म्हणाले की, 'माझ्या तमाम लाडक्या बहिणींनो अन् भावांनो..वर्षा मॅरेथॉनचं घोषवाक्य, मॅरेथॉन ठाण्याची उर्जा तरूणाची. मी यावेळी एक होर्डिंग पाहिले. तू धाव...तू धाव..क्षितिजाचा ठाव.. आपण शहर, राज्य अन् देशासाठी धावायचे असते. ठाण्याचा विकास झाला आहे. ठाणे आता बदलत आहे. ठाणे विकसित होत आहे'.

'ठाणे शहरात अर्बन फॉरेस्ट आपण केलंय. सेंद्रीय शेती महापालिकेनं सुरूवात केली आहे. ठाण्याची शान स्टेडियम देखील चांगले आहे. नुतनीकरणाला आधी २३ मग ८कोटी मिळाले. अजून काय पाहिजे... खेळाडू आणि स्टेडियमसाठी पैसे कमी पडणार नाही', असं यावेळी शिंदे म्हणाले.